| e-texts navigator |
| Wylie |
268a1 བརླག་པར་མི་འགྱུར་ཏེ།། ཐབས་ཀྱི་ཕ་རོལ་ཕྱིན་པར་འགྱུར།། དེ་ལ་དྲག་པོ་མ་བརྩམས་ན།། དཀོན་མཆོག་སྤྱི་ཡི་ཆད་པ་འོང་།། ཞེ་སྡང་འདི་ནི་བསྒྲུབས་བྱས་ན།། འབྲས་བུ་ཐོབ་པར་ཐེ་ཚོམ
268a2 མེད།། དེ་ལ་སངས་རྒྱས་ཐུགས་ཀྱིས་དགོངས།། དཀོན་མཆོག་གསུམ་པོའི་བཀའ་བྱུང་བས།། མཁའ་འགྲོ་ཐམས་ཅད་གྲོགས་བྱེད་དོ།། ལྷ་སྲིད་སྡེ་བརྒྱད་སྟོངས་བྱེད་དེ།། རང་ལ་བར་ཆད་མི་འབྱུང་འགྱུར།། ཐོག
268a3 མའི་སྙིང་རྗེས་འབྲས་བུ་ཐོབ།། དཔའ་བོ་ཆེན་པོ་ངས་བཤད་ཀྱིས།། ཕྱག་ན་རྡོ་རྗེ་ཁྱོད་ཀྱིས་ཀྱང་།། འགྲོ་བའི་དོན་དུ་བཤད་པར་གྱིས།། མངོན་རྫོགས་རྒྱལ་པོས་དེ་སྐད་ཅེས་བཀའ་སྩལ་ནས། བྱང་ཆུབ་སེམས
268a4 དཔའ་ཕྱག་ན་རྡོ་རྗེ་ལ་སོགས་པའི་འཁོར་ཐམས་ཅད་ཀྱིས་ཞལ་ནས་གསུངས་པ་ལ་ཡི་རངས་ཏེ་མངོན་པར་བསྟོད་དོ།། འཕགས་པ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ཀྱི་ཕྱི་མ་ལས། དངོས་གྲུབ་ཀྱི་ལེའུ་སྟེ
268a5 བདུན་པའོ།། །། རྒྱུད་ཀྱི་ཕྱི་མ་རྫོགས་སོ།། །། རྡོ་རྗེ་གདན་དུ་སྦས་པའི་ཕྱི་མ་འདི།། རྡོ་རྗེ་གདན་གྱི་འོག་ནས་བརྐོས།། སྙིང་པོར་ཕྱུང་བའི་མན་ངག་ཕྱི་མ་འདི།། བསྟན་པ་བསྲུང་བའི་རྒྱུད་རྣམས་མང་པོ
268a6 ཞིག། སྟོན་པའི་ཞལ་ནས་མང་པོ་ཀུན་གསུངས་ཀྱང་།། བཅུད་ཕྱུང་བ་ཡི་གསང་བ་ཕྱི་མ་འདི།། འགལ་བ་ཆོམས་ལ་འབེབས་པའི་མན་ངག་དམ་པ་ཡིན།། རྩ་བའི་རྒྱུད་ཉིད་གསལ་བར་བྱེད་པ་སྟེ།། ལྡེ་མིག་ལྟ་བུའི
iiif viewer powered by OpenSeadragon
