| e-texts navigator |
| Wylie |
267b1 མཚམས་བཅད།། འཕགས་པ་རྡོ་རྗེ་ནག་མོའི་དབང་ཕྱུག་མའི་སྔགས་རྒྱུད་ཀྱི་ཕྱི་མ་ལས། གནན་པའི་ལེའུ་སྟེ་དྲུག་པའོ།། །། དངོས་གྲུབ་རྒྱུ་བའི་མཚན་ཉིད་ནི།། དང་ལ་དང་པོར་སྔགས་པ་ཡིས།། ཚུལ་དང
267b2 ལྡན་པའི་ལས་འདི་བརྩམ།། ཚུལ་ནི་འདི་དག་ཡིན་པར་བཤད།། སངས་རྒྱས་དངོས་གྲུབ་སྒྲུབ་པ་ཡི།། བར་དུ་གཅོད་ལ་ལས་འདི་བརྩམ།། དགེ་འདུན་དག་དང་ཆོས་བྱེད་ལ།། ངན་སེམས་པ་ལ་ལས་འདི
267b3 བརྩམ།། ཐེག་པ་སྤྱི་ལ་སྨོད་པ་ལ།། ལས་འདི་བརྩམ་པར་བྱ་བ་ཡིན།། རྣལ་འབྱོར་སྲོག་དང་འབྲལ་བྱེད་ན།། ལས་འདི་དེ་ལ་བརྩམ་པར་བྱ།། ཆོས་འཁོར་གཉེན་པོ་འཇིག་བྱེད་ན།། དེ་ལ་ལས་འདི་བརྩམ་པ
267b4 གཅེས།། དེ་ལ་དང་པོ་ཞི་བ་སྟེ།། ཐམས་ཅད་དྲག་པོས་མི་འདུལ་བས།། དང་ལ་དྲག་པོས་འདུལ་མི་བྱ།། ཅི་སྲིད་དྲག་པོ་བརྩམ་སྲིད་ན།། རང་སེམས་རྒྱུད་ཀྱང་བརླག་པར་འགྱུར།། ཕྱི་མའི་འབྲས་བུ་ག་ལ་སྲིད།། དེ
267b5 ལ་སངས་རྒྱས་ཐུགས་ཀྱང་ཆད།། དཀོན་མཆོག་གསུམ་གྱི་བཀའ་ཡང་བཅགས།། མཁའ་འགྲོ་ཀུན་གྱི་ཡིད་ཀྱིས་ཁྲེལ།། འཇིག་རྟེན་དྲེགས་པས་ཞལ་ལྕེ་གཅོད།། རང་ལ་བར་ཆད་འབྱུང་བར་འགྱུར།། སྒྲུབ་ཐབས
267b6 འབྲས་བུ་མི་འབྱུང་སྟེ།། སྙིང་རྗེ་བྲལ་བས་དམྱལ་བར་ལྟུང་།། གལ་ཏེ་རྣལ་འབྱོར་ཆེན་པོ་དེས།། ཅིས་ཀྱང་ཐུལ་བར་མ་གྱུར་ན།། དྲག་པོའི་ལས་འདི་བྱ་བར་བཤད།། ཞེ་སྡང་ཆེན་པོ་བསྐྱེད་བྱད་ཀྱང་།། འབྲས་བུ
iiif viewer powered by OpenSeadragon
