| e-texts navigator |
| Wylie |
267a1 དང་ས་དོག་པ།། དུར་ཁྲོད་དག་དང་ཕུག་རྡུགས་གནས།། གནན་པའི་ས་རུ་བཤད་པའོ།། དེ་ལ་གནན་པའི་ལས་དག་ནི།། ཟུར་གསུམ་པ་ཡི་རས་དག་ལ།། མཐོ་གང་དབུས་སུ་བྲི་བ་ན།། དུག་དང་ར
267a2 ཁྲག་དག་གིས་ཀྱང་།། མ་མོ་ནག་མོ་རལ་པ་ཅན།། མདུང་དང་རལ་གྲི་ཐོགས་པ་སྟེ།། བོང་བུ་གཞོན་བྲི་བར་བྱ།། མཐའ་རུ་སྙིང་པོ་དག་གིས་བསྐོར།། རྒྱབ་ན་ཨེ་ཀ་ཙ་ཏི་དང་།། མ་བདུན་དག་ཀྱང་ཤ་ཟ་སྟེ།། ཡན
267a3 ལག་ཉི་ཤུ་རྩ་གཅིག་ལ།། དབང་ཕྱུག་མ་མི་ཚོགས་དང་ནི།། མ་མོ་ནག་མོའི་ཚོགས་ཀྱིས་བསྐོར།། བར་དུ་གཟས་པའི་མིང་དང་རུས།། རྒྱབ་ཏུ་རི་རབ་རང་སྙིང་ཅན།། དེ་དག་ལ་ཆའི་སྦལ་པར་གཞུག། དེ་ནས་ཞིང
267a4 ན་དཀྲི་བ་སྟེ།། མཁར་ནག་ལྔ་ཡིས་རྒྱ་གྲམ་བགྱིད།། ནག་མོའི་ཐོད་པ་མཆོད་རྟེན་ནམ།། གླང་རུ་དག་གི་ནང་དུ་གཞུག། ཐུན་སྔགས་ལ་སོགས་ཀུན་གྱི་བསྣུན།། དེ་ནས་རེ་བ་དག་ཏུ་གྲིལ།། མ་མོའི་ཚོགས་དང་ས
267a5 བདག་ལ།། མཆོད་པ་ཚུལ་བཞིན་བྱས་ནས་ནི།། ཕོ་ཉ་བཏང་ལ་གཟས་པ་དགུག། ཕྱག་རྒྱ་བཞི་ཡི་མ་ནོར་བསྟིམ།། ཀླུ་གདུག་གནས་པའི་གཡོན་ནས་འཛུག། ཆུ་མིག་ཀླུ་ཡི་ཁ་ཡང་རུང་།། གཡས་གཡོན་རྐང་འདོམ
267a6 བཅུ་བཅུ་པ།། ཀླུ་ཡི་རཱ་སྟེ་དེ་ཡང་རུང་།། ཆུ་མིག་དེ་ནས་འདོམ་གང་གཞལ།། ཀླུ་ཡི་སྙིང་སྟེ་བཟང་བར་བཤད།། ཐེབས་པར་མྱུར་དུ་གཞུག་པར་བྱ།། གཡས་སུ་བསྐོར་ཏེ་ཞབས་མས་བརྡབ།། རྨ་བྱའི་སྒོ་ཡིས་དེ
iiif viewer powered by OpenSeadragon
