| e-texts navigator |
| Wylie |
266b1 འོང་།། ཤི་ས་གྲུབ་ན་མཁྲིས་ནད་འོང་།། སྐུ་གསུང་ཐུགས་ལ་སོགས་པ་ནི། ཁྲག་ཐུན་ཁོ་ནར་བཤད་པ་ཡིན།། ཐོད་པ་དགུ་དང་སྔགས་གྲུབ་ཀྱང་། ཁྲག་ཐུན་ཁོ་ནར་བཤད་པ་ཡིན།། གནན་པ་གྲུབ་ན་མཛེ་ནད
266b2 འོང་།། དེ་ལ་སོགས་པའི་ནད་རྣམས་ནི།། རྣམ་པ་མང་དུ་འབྱུང་བར་འགྱུར།། འཆི་བར་འགྱུར་བའི་མཚན་མ་ནི།། རྨི་ལམ་དང་ནི་མངོན་རྟགས་གཉིས།། རིགས་དྭགས་གསད་ན་ཐེ་ཚོམ་མེད།། ཤོར་བ་རྨིས་ན་ལན
266b3 ཅིག་གཉིས།། བསྒྱུར་ནས་ཀྱང་ནི་བྱ་བར་བཤད།། ར་དང་བ་ལང་གཡག་བསད་ན།། ཐེ་ཚོམ་མེད་པར་འཆི་བར་འགྱུར།། ལུག་གསད་གཉེན་ནི་དགྲ་གྱུར་པ།། མདོར་ན་སྲོག་ཆགས་གསད་པ་ནི།། འཆི་སྟེ་ཐུན་ནི
266b4 གྲུབ་པ་ཡིན།། བྱ་ནག་བབ་ན་རིམས་ནད་ཕེབས།། ཚུབ་ནག་བྱུང་ན་མཚན་མ་ཟབ།། བ་མོ་སྐྱ་ན་འཆི་རྟགས་ཡིན།། ཁྲོ་ཞིང་འཚིག་ན་གྲུབ་རྟགས་ཡིན།། སྒོ་ཁྱི་ངུ་ན་བཟང་བ་སྟེ།། ལྟས་ངན་འཕེབས་ན་རབ་ཏུ
266b5 བཤད།། འཕགས་པ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ཀྱི་ཕྱི་མ་ལས་ལས་གྲུབ་རྟགས་ཀྱི་ལེའུ་སྟེ་ལྔ་པའོ།། །། དེ་ནས་གནན་པ་བཤད་བྱ་བ།། ཀླུ་གདུག་གནས་པའི་ས་དག་ནི།། སྐྱོན་ཡོན་རྣམ་པ
266b6 གཉིས་དང་ལྡན།། གནོད་སྦྱིན་དྲག་པོའི་གནས་དག་ནི།། རབ་མཆོག་དམ་པ་ཡིན་པར་བཤད།། མ་མོ་ཚོགས་པའི་གནས་དག་ཀྱང་།། དེ་ཡང་གནན་པའི་ས་རུ་བཤད།། སྟག་གི་ཁ་དང་སྐུ་གདུང་འོག། རྒྱ་གྲམ་ལམ
iiif viewer powered by OpenSeadragon
