| e-texts navigator |
| Wylie |
266a1 བཤད།། སྤོས་ན་ཁྲག་ཐུན་རུལ་པའོ།། དེ་ཚེ་ཐོད་པ་འཕེན་པའི་ཚེ།། རླུང་ཕྱོགས་ལོག་ན་ལས་མི་འགྲུབ།། བ་མོ་བྱུང་ན་ལས་མི་འགྲུབ།། དེ་ཚེ་ཐོད་པ་ཁ་གདངས་ན།། དེ་ཡང་ལས་མི་འགྲུབ་པ
266a2 ཡིན།། རང་ལ་བལྟས་ན་འཁོར་དུ་ལྡོག། ཐུན་ཁྲག་ཁོལ་ན་སྔགས་པ་འཆི།། ཐོད་པ་སྒྲུབ་ན་ངན་པ་ཡིན།། དགྲ་ལ་ཁ་བལྟས་དེ་ཡང་བཟང་།། གཟང་རྒོད་རྒྱུ་ན་དེ་ཡང་བཟང་།། གཅན་གཟན་འགྲོལ་ན་དེ་ཡང
266a3 བཟང་།། མི་རྒོད་རྒྱུ་ན་དེ་ཡང་བཟང་།། སྒྲ་ཆེན་བྱུང་ན་དེ་ཡང་བཟང་།། གཞལ་ཡས་ཁང་བུ་གྲུབ་པ་ནི། ཁམ་བུ་ལྡེག་གམ་འཕར་བ་དང་།། སྣུམ་གྱིས་བྱུགས་པར་འདྲ་ན་བཟང་།། སྐམ་ལ་སེར་ག་ཆེན་ངན།། དམོད
266a4 མོ་གྲུབ་ན་ཁྲག་ཐུན་ཁོལ།། ཞེ་སྡང་མེ་ཆེན་བཞིན་དུ་འབར། ཁ་ལ་འགྲུམ་བུ་མང་དུ་འབྱུང་།། སྒོང་ཐུན་འགྲུབ་ན་སྒོ་ང་འཚེགས།། སྲོག་སྒྲུབ་གྲུབ་ན་ཕུར་བུ་འཕར།། སྐུ་གསུང་ཐུགས་ལ་སོགས་པ་ཀུན།། རྫས་ལ
266a5 འོད་ཀྱང་འབྱུང་བ་འགྱུར།། དེ་ལ་སོགས་པའི་རྟགས་རྣམས་ནི།། གཞན་ཡང་མང་དུ་འབྱུང་བར་འགྱུར།། འཕགས་པ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ཀྱི་ཕྱི་མ་ལས་གྲུབ་པའི་རྟགས་ཀྱི་ལེའུ་སྟེ་བཞི
266a6 པའོ།། །། གཞན་ཡང་ནད་རྣམས་བཤད་བྱ་བ།། དམོད་པ་གྲུབ་ན་སྨྱོ་ནས་འཆི། ཁྲག་ཐུན་གྲུབ་ན་བ་ལ་ནད་འོང་། ཁམ་བུ་གྲུབ་ན་ཁྲག་ཏུ་སྐྱུག། སྒོ་ང་གྲུབ་ན་རྒྱུ་གཟེར་འོང་།། ཕག་ཐོད་གྲུབ་ན་གཉན་ནད
iiif viewer powered by OpenSeadragon
