| e-texts navigator |
| Wylie |
265b1 གྱི་ཁྲག་སྤྱོ་མ།། མ་ཆེན་གསང་བའི་མཚན་བཏགས་པ།། མ་གཅིག་དཔལ་ལྡན་རེ་མ་ཏི།། བདག་གིས་གདུང་སྟེ་བོས་པའི་ཚེ།། དེ་ཚེ་རིམས་ཀྱི་ཆར་ཕོབ་ལ། ཁྲག་ཐུན་རིམས་སུ་བསྒྱུར་དུ་གསོལ།། རིམས་ནད་དགྲ
265b2 ལ་དབབ་ཏུ་གསོལ།། བྷྱོ་ཐུན་གྱི་མ་མོ་ཐ་ཆུང་ནི།། ནམ་གྱི་ཆ་སྨད་བོས་པའི་ཚེ།། ཆིབས་སུ་བྱ་ཆེན་ནག་མོ་ཆིབས།། དེ་ལ་གསང་བའི་མཚན་གསོལ་བ། ཁྲི་སྨན་དེ་ནི་ལྡེམ་དྲུག་མ།། སྐུ་མདོག་མཐིང་ནག་ཆེན་མོ
265b3 ལ།། གོས་སུ་རེ་ལྡེ་ནག་པོ་གསོལ། ཁྲག་ཞག་འདྲེས་པའི་ཐིག་ལེ་ཅན།། གཡས་ན་དབུགས་ནང་རྐྱལ་པ་བསྣམས།། གཡོན་ན་ཐུན་གྱི་ཁྲག་སྦྲོ་མ། ཁྱོད་ལ་བདག་གིས་བོས་ཙམ་ན།། དེ་ཚེ་རིམས་ཀྱི་ཆར་ཕོབ
265b4 ལ།། ཐུན་ཁྲག་རིམས་སུ་སྦྱར་དུ་གསོལ།། རིམས་ནད་དགྲ་ལ་དབབ་དུ་གསོལ།། ཏྲཀྐ་རཀྟ་མུ་ཏྲ་མ་ཐུན་བྷྱོ། མ་མོའི་སྤྱན་དགྲ་ལ་བྷྱོ། སྙན་དགྲ་ལ་བྷྱོ། དབུགས་དགྲ་ལ་བྷྱོ། ཐུགས་དགྲ་ལ་བྷྱོ།། འཕགས་པ་རྡོ་རྗེ
265b5 ནག་མོ་དབང་ཕྱུག་མའི་སྔགས་རྒྱུད་ཀྱི་རྒྱུད་ཕྱི་མ་ལས། ཐུན་གྱི་མ་མོ་བསྐུལ་བའི་ལེའུ་སྟེ་གསུམ་པའོ།། །། གྲུབ་པའི་རྟགས་ནི་བཤད་བྱ་བ། ཁྲག་ཐུན་གྲུབ་པའི་མན་ངག་ནི།། བཟང་རྟགས་ངན་རྟགས
265b6 གཉིས་སུ་བཤད།། གནག་ན་དྲག་པོའི་མཚན་མའོ།། དམར་ལ་དྭངས་ན་བཟང་བ་སྟེ། ཁོལ་ན་མྱུར་དུ་འཕང་བར་བྱ།། རླངས་པ་བྱུང་ན་གྲུབ་པ་ཡིན།། འགྲིབ་ན་སྒྲིབ་པ་ཡོད་པ་ཡིན།། ཆད་ན་ལས་མི་འགྲུབ་པར
iiif viewer powered by OpenSeadragon
