| e-texts navigator |
| Wylie |
264b1 མ་ཁྱོད།། སེམས་ཅན་ཀུན་ལ་བྱམས་ཀུན་མ་དང་འདྲ།། མི་བསླུ་དམ་ཚིག་དབང་གིས་འདི་རུ་བག་ཙམ་སྤྱོན།། ལྔ་བརྒྱ་དུས་ཀྱིས་མནར་བའི་མཐའ་མ་ལ།། བཀའ་དང་གཞུང་བཞིན་བསྒྲུབ་པའི་དམ་ཚིག་བག་ཙམ
264b2 དཀོན།། སྐུ་མདོག་རྒྱན་དང་མ་ཡི་ཆ་ལུགས་ནི།། ཏིལ་མར་སྔོན་པོས་ལུས་བསྐུས་ཐིག་ལེས་བརྒྱན།། རལ་པའི་ལན་བུ་གཅིག་ཏུ་བྱས་པ་ནི།། སྤྱི་བོའི་གཙུག་ཏུ་ལེའུ་བརྒན་ཟོར་ཚུགས་ཅན།། རོ་ཉེ་རྣ་ཆས་ལུས་ལ
264b3 བརྒྱན་བྱས་ཤིང་།། ཚིག་མདོ་དྲུག་ཏུ་ཁྲག་གི་ཐིག་ལེས་བརྒྱན།། སེང་གེ་མཚུངས་མེད་གསོན་མས་ཕྲག་གོང་བརྒྱན།། སྦྲུལ་གྱི་སྐེ་རགས་འཆིང་ཞིང་ལག་ན་དར་མདུང་ཐོགས།། མེ་རི་འབར་བའི་ནང་ན་སྐུ་བཞུགས
264b4 པས།། རྐང་སྒྲོག་ལྕགས་ལ་བྱས་པ་གཅིག་གིས་ཞབས་ཀྱི་མཁྲིས་མ་གཉིས་ལ་བརྒྱན།། སྤྱན་གསུམ་ཁྲག་འབབ་སྦྲུལ་མགོ་བཅུ་བདུན་དབུ།། ཆིབས་སུ་དྲེའུ་ཕ་ལ་བཅིབས་ནས་དུར་ཁྲོད་གསུམ་ཚིག་རྒྱུ།། དགྲ་སྙིང
264b5 ཚལ་བར་འགེམས་ཤིང་མ་གཅིག་བྱམས་མ་ཁྱེད།། ཙིཏྟ་མ་ཉམས་སྙིང་གི་རྩེ་མོ་ཡང་།། མ་གཅིག་སྒྲིབ་ལ་དྲང་ཕྱིར་རྣལ་འབྱོར་བདག་ལ་མཆིས།། ཤིང་ལོ་རླུང་ཁྱེར་ས་ལ་མ་རེག་ཀྱང་།། མ་གཅིག་གདན་དུ་གདིང
264b6 ཕྱིར་རྣལ་འབྱོར་བདག་ལ་མཆིས།། ཤི་ཀ་མཚལ་ཐིག་སྣ་ཚོགས་སྐམས་པའི་རཀྟ་ཡང་།། མ་གཅིག་ཞལ་དུ་རུང་ཕྱིར་རྣལ་འབྱོར་བདག་ལ་མཆིས།། ཏིལ་གྱི་ཞུན་མར་ཀོང་དུ་མ་ཉམས་ཀྱང་།། མ་གཅིག་སྐུ་ཕྱིར་བུ
iiif viewer powered by OpenSeadragon
