| e-texts navigator |
| Wylie |
264a1 སྔགས་འདི་ཡིས།། དེ་ཡི་ལུས་བསྲུང་དག་དང་དབྱེ།། ནརྀ་དེ་བ་ཀ་བ་ཨེ་ཛ་ལ་ར་ཙ་ཕྱེ་ཙ་ཕྱེ། ཨ་ཤག་ཨ་ཤག་ས་མ་ཡཱ་ཕྱེ་ཡ། བུ་ཏ་བུ་ཏ། ཕུས་ཕུས་ལ། སེན་མ་ཕུས་ཕུས། སྲིན་པོའི་ཕྱོགས་སུ་གསད
264a2 བྱ་སྟེ།། ཐུན་དང་ཏིང་འཛིན་ཕུར་པ་དང་།། ཉུང་དཀར་ཐུན་སྔགས་ཀུན་གྱིས་བྲབ།། བྲི་ཡིས་གཏུབས་ལ་གཏོར་མར་བསྟབ།། ཟོར་རྣམས་ཕོག་པ་དག་ཏུ་འཕང་།། མ་ཧཱ་དེ་ཝའང་འཇིག་པར་འགྱུར།། རྒྱུད་ཕྱི་མའི་ཕྱི།
264a3 མ་ལས། ལས་ཀྱི་རིམ་པར་བྱ་བའི་ལེའུ་སྟེ་གཉིས་པའོ།། །། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ།། ཐུན་གྱི་བསྐུལ་བ་ཇི་ལྟར་ལགས།། གྲུབ་པའི་རྟགས་ནི་གང་ལ་བགྱི།། སོ
264a4 སོའི་ནད་རིམས་ཇི་ལྟ་བུ།། འཆི་བར་འགྱུར་བའི་མཚན་མ་ཅི།། མངོན་རྫོགས་ཡབ་ཀྱིས་བཀའ་སྩལ་པ།། ལྷ་མོའི་ཐུགས་དམ་བསྐུལ་བ་ནི།། རྫས་ཀྱི་གཏོར་མ་ཕུན་སུམ་ཚོགས།། དེ་ལ་དམ་ནི་བཅའ་བར
264a5 མཆོད་པ་དམར་གྱི་ཨརྒྷཾ་སྒྲེང་།། བསྐོང་བ་མཁའ་ལྡིང་ཟངས་མཆུ་ཅན།། གཡབ་པ་མཆོག་གི་ལག་པས་བྱ།། བརྡུང་བ་ཅང་ཏེའུ་རྟག་ཏུ་བརྡུང་།། འབུད་པ་མི་རྐང་གླིང་བུ་འབུད།། བརྡབ་པ་བྷནྡྷའི་ཆ་ལང
264a6 བརྡབ།། རྟེན་ནི་བྲིས་སྐུ་དག་ལ་བྱ།། སྣང་བ་ཚིལ་ཆེན་མར་མེ་བཏང་།། དྲི་མཆོག་ཚིལ་གྱི་དུད་པ་བཏང་།། ཕྲེང་བ་སོར་ཚིགས་མགོ་ལ་བཅིངས།། མཆི་མ་ཕྱུང་ལ་འདི་སྐད་བོད།། དཔལ་ལྡན་ལྷ་མོ་འགྲོ་ཀུན་བྱམས
iiif viewer powered by OpenSeadragon
