| e-texts navigator |
| Wylie |
263a1 ན་རང་རེ་བརླག། དེ་དག་བར་དུ་གདོན་པ་ནི། ཤ་ཁྲག་དམར་ལ་བཞི་བླངས་ལ།། ཞག་རེ་དག་ལ་གསུམ་གསུམ་གཏོར།། གཏོར་མ་བཟང་ན་དངོས་གྲུབ་ཆེ།། གཏོར་མ་ཆུང་ན་དངོས་གྲུབ
263a2 ཆུང་།། བཟླས་བརྗོད་ཀྱང་ནི་དེ་དང་འདྲ། གཏོར་མ་བཟླས་བརྗོད་རྫོགས་པ་ན། ལྷ་མོ་དེ་ཉིད་སྐུ་སྟོན་འགྱུར།། འོད་དང་སྒྲ་དང་རླུང་འཚུབ་འབྱུང་།། བུད་མེད་མཛེས་པ་སྟེག་པ་དང་།། དངོས་གྲུབ་ཚུལ་བཞིན་སྟེར
263a3 བར་འགྱུར།། དེ་ཚེ་དངོས་གྲུབ་བླང་བར་བཤད།། གྲུབ་པ་བདག་ཀྱང་ཡིན་པར་བཤད།། ནག་མོ་སྔགས་ཀྱི་རྒྱུད་ཕྱི་མའི་ཕྱི་མ་ལས།། བསྙེན་བསྒྲུབ་ཀྱི་ལེའུ་སྟེ་དང་པོའོ།། །། དེ་ནས་གཞན་ཡང་བཤད་བྱ
263a4 བ།། ཕྲིན་ལས་སྒྲུབ་པའི་སྔགས་པ་ཡིས།། ཤིན་ཏུ་བཟླས་པ་རྫོགས་པ་དང་།། ལས་འཕྲོ་ཡོད་པའི་རྣལ་འབྱོར་པས།། བཟླས་པ་མ་རྫོགས་གོང་དུ་ཡང་།། ལྷ་མོ་དེ་ཉིད་སྐུ་སྟོན་འགྱུར།། གདེང་དང་ལྡན་པས་སྒྲུབ་པ
263a5 ལས།། ཀུན་གྱིས་བྱས་ན་བརླག་པར་འགྱུར།། དང་པོར་བསྒྲུབ་པའི་གནས་བཙལ་བ།། ཤིན་ཏུ་ཡི་དྭགས་ཆེ་བའི་གནས།། རྣལ་འབྱོར་ལྡན་ན་དེ་རུ་བསྒྲུབ།། དང་པོའི་གནས་པའི་གནས་ཆེན་དུ།། དངོས་གྲུབ་ཐོབ
263a6 པ་དེ་རུ་བྱ།། ཆུ་བོ་ཆེན་པོའི་འགྲམ་དག་ཏུ།། མ་མོ་ཉེ་བས་དེར་འདུག་སྟེ།། རྫས་རྣམས་གོང་དུ་ཚོགས་པར་བྱ།། དེ་ནས་མཆོད་སྦྱིན་ཅིག་སྦྱིན་ཏེ།། ནམ་གྱི་གུང་ངམ་ཉི་མའི་གུང་།། དྲག་པོའི་དཀྱིལ་འཁོར་གང་བྱེད
iiif viewer powered by OpenSeadragon
