| e-texts navigator |
| Wylie |
261b1 གསུངས་སོ།། ཨེ་མ་དོན་རྣམས་ཐམས་ཅད་བདག་གིས་དགྲོལ་བར་བྱ།། མཐུ་རྩལ་འདུས་པ་ཁྱོད་ཀྱིས་དོན་མ་འདུས་པ་ཀུན།། ཐེ་ཚོམ་ཡོད་པ་ཐམས་ཅད་དྲིས་ཤིག་ངས་བཤད་ཀྱིས།། འགྲོ་དོན་བསམ་པ་ཐམས
261b2 ཅད་བསྐང་བར་བྱ་ཡི་ཉོན།། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་ལས་ཐམས་ཅད་ཁ་སྐོང་བའི་ཕྱིར། འདི་སྐད་གསུངས་སོ།། ཨེ་མ་བསྙེན་པ་ཉེ་བསྙེན་སྒྲུབ་པ་དང་།། ཕྲིན་ལས་རྣམ་པ་ཇི་ལྟར
261b3 ལགས།། སྔགས་རྣམས་བཟླས་པ་གང་ལ་ཅི།། གྲུབ་པའི་མཚན་མ་ཇི་ལྟ་བུ།། མངོན་རྫོགས་རྒྱལ་པོས་བཀའ་སྩལ་པ།། དང་པོ་བསྙེན་པ་བྱ་བ་ནི།། ལྷ་རྣམས་ཉེ་བར་བསྙེན་པ་དང་།། དམན་པའི་ཉེ་བར་བསྙེན་པ
261b4 གཉིས།། ལྷ་རྣམས་དངོས་གྲུབ་སྩོལ་འདོད་ན།། བསམ་པ་ཐམས་ཅད་ཀུན་སྤངས་ལ།། ཐེ་ཚོམ་ཕྲ་མོ་མེད་པ་ཡིས།། རྡོ་རྗེ་ལྟ་བུར་མཁྲེགས་པ་དང་།། བྲག་ཆེན་ལྟ་བུར་བརྟན་པ་ཡིས།། བླ་མ་དམ་པ་སྙིང་རྗེ
261b5 ཅན།། གདམས་ངག་ཀུན་འདུས་དབང་རྣམས་རྫོགས།། ཆོས་ཉིད་བློ་ལ་གསལ་བ་ལ།། མཉེས་པ་གཉིས་ཀྱིས་མཉེས་བྱས་ཏེ།། དང་བས་དང་པོ་ཐོག་མ་ཉིད་དུ་མཉེས་བྱས་ལ། གཉིས་པ་རྒྱུད་ཀྱིས་མཉེས་བྱས
261b6 ལ།། བླ་མས་གནང་བ་གཉིས་རྣམས་ནི།། དབང་རྣམས་གནང་བ་དང་པོར་གཅེས།། མན་ངག་གནང་བ་གཉིས་པའོ།། དེ་ནས་རྣལ་འབྱོར་ཆེན་པོ་དེས།། ཐོག་མར་རང་གནས་བཙལ་བ་ནི།། ཤིན་ཏུ་བར་ཆད་མེད
iiif viewer powered by OpenSeadragon
