| e-texts navigator |
| Wylie |
257a1 སྔགས་དང་བཅས་ལ་སྦྱིན་པར་བྱ། ཆེ་གེ་མོ་ཞིག་མཱ་ར་ཡ། གསང་སྔགས་དེ་ཡི་སྒྲ་ཡང་བརྗོད།། དེ་ནས་ཁྲག་གི་ཨརྒྷཾ་དབུལ།། མ་ཧཱ་རཀྟ་པཱ་ཙ་ཧོ།། དེ་ནས་དབང་པོའི་མེ་ཏོག་དབུལ།། མ་ཧཱ་པུཥྤེ་པཱ་ཙ
257a2 ཧོ།། དེ་ནས་ཚིལ་ཆེན་སྤོས་མེ་འབུལ།། མ་ཧཱ་དྷཱ་པེ་པཱུ་ཙ་ཧོ།། བདག་ཉིད་དྲི་ཆེན་དེ་ལ་དབུལ།། མ་ཧཱ་གནྡྷེ་པཱུ་ཙ་ཧོ།། དེ་ནས་ཚིལ་ཆེན་མར་མེ་དབུལ།། མ་ཧཱ་དཱི་པ་པཱུ་ཙ་ཧོ།། དེ་ནས་དྲི་ཆུའི་མཆོད་པས་མཆོད།། མ་ཧཱ
257a3 གནྡྷེ་པཱུ་ཙ་ཧོ།། དེ་ནས་མཐུན་པའི་རྫས་ཆེན་བསྟབ།། དེ་ནས་གཏོར་མ་གཏོང་བ་ནི།། ཉི་མའི་ཟེར་ལ་མི་མོ་རྒྱུ།། བཅོ་ལྔ་ཟླ་བའི་ཟེར་དག་ལ།། མཚན་མོ་ནག་མོ་རྒྱུ་བར་བྱེད།། གསོད་པར་བྱེད་པའི་མ་མོ་ནི།། ནམ
257a4 གྱི་གུང་ལ་རྒྱུ་བར་བྱེད།། ཕུང་བར་བྱེད་པའི་མ་མོ་ནི།། ཉི་མའི་གུང་ལ་རྒྱུ་བར་བྱེད།། དུས་བཞི་དག་ཏུ་གཏོར་མ་སྦྱིན། རྒྱུད་ཕྱི་མ་ལས་ལས་ཀྱི་ཁོག་དབུབ་པའི་ལེའུ་སྟེ་གསུམ་པའོ།། །། དེ་ནས་སྔགས་ཀྱི་ཚུལ
257a5 བཤད་པ།། མ་མོ་ཆེན་མོའི་སྲོག་སྙིང་ནི།། བྲུཾ་ལིང་སྙིང་རྩ་འདུ་འདུ་བ།། མཚན་མོའི་སྲོག་སྙིང་ནི།། ཤིན་ཏུ་ཟབ་པས་སྔར་མ་བསྟན།། བཤད་ཀྱི་གསང་བའི་བདག་པོ་ཉོན།། ཨོཾ་ནརྀ་ཀ་པ་ལི་ཧཱུཾ་ཕཊ། གསང་བའི
257a6 བདག་པོས་གསང་བར་གྱིས།། ཙ་པ་ལི་ནི་བཅོ་ལྔ་པ།། ཕུང་བྱེད་མ་མོ་བོད་པ་ཡིན། ཁ་མུན་ཏྲ་པ་ཞེས་པ་ནི།། གསོད་པའི་མ་མོའི་སྙིང་པོ་ཡིན།། དང་པོ་རྣལ་འབྱོར་དེ་ཡིས་ནི།། དམོད་མོ་བྱེད་ན་བཅུ་བདུན་ཏེ།།
iiif viewer powered by OpenSeadragon
