| e-texts navigator |
| Wylie |
256a1 གཏོར་མ་དང་།། ཞལ་ཟས་སྣ་ཚོགས་མདུན་དུ་དྲངས།། རྒྱུད་ཕྱི་མ་ལས་རྫས་ཀྱི་ལེའུ་སྟེ་གཉིས་པའོ།། །། དེ་ནས་མཆོད་ཚུལ་བཤད་བྱ་བ། དང་པོ་སྐྱེ་བ་མེད་པ་དང་།། གཉིས་པ་སྙིང་རྗེའི་བདག
256a2 ཉིད་དང་།། གསུམ་པ་རང་སེམས་ཧཱུཾ་དུ་སྣང་།། འབྱུང་བ་རླུང་སྟེ་ནམ་མཁའི་སྟེང་།། གྲུ་གསུམ་ཨེ་དང་གཞུ་འདྲ་ཡཾ། ཆུ་ནི་བཾ་ལས་ཟླུམ་པོར་བསྐྱེད།། སུ་ལས་གསེར་གྱི་ས་གཞིར་སྣང་།། ཀཽ་ལས་རུས་པའི་རི་རབ
256a3 སྟེང་།། བྷྲཱུཾ་ལས་གཞལ་ཡས་ཁང་དུ་སྣང་།། གྲུ་བཞི་སྒོ་བཞི་ཡང་དག་ལྡན།། གྲུ་གསུམ་ཟླ་གམ་གྲུ་ཆད་དང་།། སྣ་ཚོགས་རྒྱན་གྱིས་བརྒྱན་པར་བསྒོམ།། དབུས་སུ་གདན་ཁྲི་ཉི་ཟླ་དང་།། མ་ཧཱི་ཆེན་པོ་གསལ་བར
256a4 བྱ།། ཟླ་གམ་གསུམ་ལ་མ་མོ་རེ།། དེ་ལ་ཆོ་གའི་ཡན་ལག་གིས།། རང་ཉིད་སངས་རྒྱས་ལུས་སུ་སྣང་།། དབུ་གསུམ་ཕྱག་དྲུག་ཞབས་བཞིའམ།། ཡང་ན་མཆོག་གི་ཧེ་རུ་ཀ། དབུ་དགུ་ཕྱག་ནི་བཅོ་བརྒྱད་ཚུལ།། ཆོ
256a5 ག་མཁས་པས་ཡབ་ཡུམ་གསལ།། རོ་གསུམ་སྟེང་དུ་མ་མོ་གསུམ།། གར་ཐབས་བྱེད་ཅིང་གནས་པ་སྟེ།། ནག་མོ་ཆེན་མོ་བོང་ཞོན་མ།། རལ་གྲི་འདེབས་ཤིང་མདུང་ཐུང་འཕེན།། རྒྱུ་མའི་དྲིལ་བུ་འགྲམ་པར
256a6 འཕྱང་།། ཀོ་རློན་སྟོད་ལ་རེ་ལྡེ་སྨད།། རྨ་བྱའི་སྒྲོ་ཆུན་སྤྱི་བོར་བཙུགས།། ལྟེ་བའི་ཕྱོགས་ནས་ཉི་ཤར་མ།། དཔྲལ་བའི་ངོས་ནས་ཟླ་བ་འཆར།། རྣ་བ་གཡས་པའི་ཁུང་བུ་ན།། སེང་གེ་མཚན་མ་ཐོགས་མེད
iiif viewer powered by OpenSeadragon
