| e-texts navigator |
| Wylie |
255b1 གཟུག། སྐེད་པར་དར་གྱི་སྐེ་རགས་བཅིངས།། ལག་ཏུ་གཡབ་དར་རེ་རེ་སྟེ།། དེ་ལ་མ་མོ་འབར་བར་ངེས།། གཏོར་མ་ཤ་དང་ཁྲག་ལ་བྱ།། མ་མོ་གཉིས་ཀྱི་མདུན་དུ་དྲངས།། སྔགས་ཀྱིས་བཏབ་ལ་ལེན་དུ
255b2 གཞུག། སུ་ཞིག་དངོས་གྲུབ་འདོད་པ་ཡིས།། ན་ལ་རོ་བཞི་ལ་ནན་ཏན་བསྐྱེད།། བྱ་ནག་བདུན་གྱི་མདུན་དག་ཏུ།། ཤ་ཁྲག་གཏོར་མ་བྷནྡྷ་རེ།། སྔགས་ཀྱིས་བཏབ་ལ་ལན་དུ་གཞུག། མཚན་མོ་ནག་མོའི་གཏོར་མ
255b3 ལ།། གཟས་པའི་མིང་རུས་བཅུག་ལ་བྱིན།། ཐེ་ཚོམ་མེད་པར་ལས་བྱེད་དོ།། གསང་བའི་དམ་རྫས་བསྟན་པ་ནི།། མི་ཁོག་སྒྱུ་མའི་མདུན་དག་དུ།། སྐྱེས་པ་ཤིན་ཏུ་ལེགས་པ་ཡི།། རོ་ནི་རྨ་མེད་བཅལ་བྱས
255b4 ལ།། གསལ་ཤིང་བཟང་པོར་བཙུགས་པ་ལ།། དར་ནག་བཏགས་ལ་འཕྱང་དུ་གཞུག། དེ་ཡི་ལུས་ཀྱང་མགོ་འཇུག་ཏུ།། ཏིལ་མར་སྨུག་ཙི་བྱུག་པར་བྱ།། མགོ་ནི་ཐོར་ཅོག་ཟུར་ཕུད་ཅན།། དེ་ལ་རྒྱན་གྱིས་མཛེས་པར
255b5 བྱ།། རྗེ་ངར་ལྟེ་བའི་བར་དག་ཏུ།། དར་གྱི་ཤམ་ཐབས་ལེགས་པར་བརྒྱན།། རྐང་གཅིག་བརྐྱང་སྟེ་ཡིད་བསྐུལ་ཚུལ།། མ་ལ་ལྡེམ་ཞིང་བསྒྱིངས་པའི་ཚུལ་དུ་བཞག། ལག་ཏུ་མཛེས་པའི་མེ་ལོང་བསྐུར།། མ་ལ
255b6 སྟེགས་པའི་ཚུལ་དུ་བསམ།། དེ་ལྟ་བུ་ཡི་དམ་རྫས་དེ།། མ་མོ་བོས་ལ་སྦྱིན་པར་བྱ།། དེ་ནས་ཐེ་ཚོམ་མེད་པ་རུ།། རྣལ་འབྱོར་མ་ལ་གང་འདོད་སྟེར།། རྫས་མཆོད་དམ་པ་ཡིན་པར་བཤད།། གཞན་ཡང་དམར་གྱི
iiif viewer powered by OpenSeadragon
