| e-texts navigator |
| Wylie |
255a1 དག་ཏུའོ།། བྱ་ནག་བདུན་གྱི་གཟུགས་ཀྱང་བཞག། དཀྱིལ་འཁོར་མདོར་བསྡུས་བསྟན་པ་སྟེ།། འདི་ལས་ལྷག་པའི་དཀྱིལ་འཁོར་ནི།། སྔར་མ་བཤད་ཅིང་ད་མི་གཟུང་།། དཔའ་བོ་ཆེན་པོས་བཀའ
255a2 སྩལ་ཏོ།། རྡོ་རྗེ་ནག་མོ་དབང་ཕྱུག་མའི་རྒྱུད་ལས། གསང་བའི་དཀྱིལ་འཁོར་གྱི་ལེའུ་སྟེ་དང་པོའོ།། །། དེ་ནས་དམ་རྫས་བསྟན་པ་ནི།། ཕྱི་ནང་གསང་བ་གསུམ་དུ་བསྟན།། ཕྱི་ཡི་དཀྱིལ་འཁོར་དམ་རྫས
255a3 ནི།། དབུས་སུ་སེང་གེ་དཀར་མོའི་སྙིང་།། འབྲས་བུ་སྣ་ཚོགས་གཏོར་མ་ལ།། སྤྱན་གཟིགས་དག་གིས་བརྒྱན་པ་གཞག། ལྷ་མཆོག་ཡབ་ཡུམ་དག་ལ་མཆོད།། ཤ་དང་ཁྲག་དང་ནལ་བུ་དང་།། ཤིང་ལོ་ཐལ་ཆེན་སྙིང
255a4 ཆེན་དང་།། བྱང་ཆུབ་སེམས་ཀྱི་དམ་རྫས་ནི།། ཐོད་པར་བསྩལ་ལ་ཟླ་གམ་གཞག། ལྷ་རྫས་ལ་སོགས་གཞུང་དག་དང་།། མཆིན་མཁྲིས་ལ་སོགས་རྣམ་པ་ཀུན།། ཐོད་པ་རེ་རེར་བསྩལ་ལ་བཞག། མ་མོ་རེ་ལ་གཏོར
255a5 མ་རེ།། རྒྱུན་དུ་རྒྱུ་བའི་དུས་སུ་བཏང་།། ཞིང་ཆེན་གདུང་དང་རྒྱུ་ཕྲེང་དང་།། ཤ་ཆེན་ལང་ལིང་ལ་སོགས་པ།། ཕྱི་ཡི་མཆོད་པའི་རྫས་སུ་གཞག། ནང་གི་དམ་རྫས་བསྟན་པ་ནི།། ཐོད་མཁར་ཕྱོགས་བཞིར་ནལ་རོ
255a6 བཞི།། རྩང་ལ་གདགས་ཏེ་འཕྱང་དུ་གཞུག། ནལ་བུའི་ལུས་པོ་མགོ་མཇུག་ཏུ།། ཏིལ་མར་དག་གིས་བྱུག་པར་བྱ།། སྤྱི་བོར་མི་མགོ་རེ་རེ་གཞག། དཔྲལ་བར་མཐེ་བོང་རེ་རེ་གཞག། སྙིང་གར་རྨ་བྱའི་མདོངས་རེ
iiif viewer powered by OpenSeadragon
