| e-texts navigator |
| Wylie |
254b1 ཡིན།། ནང་དུ་ཁམ་ས་ཤ་ཆེན་ལ།། དྲེའུ་རྟ་རྐང་རྒྱུས་སྲབ་མཐུར་ཅན།། རྣ་བ་བ་ནི་དྲི་བུ་འཕྱང་།། དེ་ལྟ་བུ་ཡི་གཟུགས་གཅིག་ལ།། སྟེང་དུ་ཞོན་པའི་མ་མོ་ནི།། ལྕགས་ཕྱེ་ས་ལས་བྱ་བ་སྟེ།། མགོ་གཅིག་ལག་གཉིས
254b2 ཁྲོ་ཚུལ་ཅན།། རལ་གྲི་མདུང་ཐུང་གཡས་དང་གཡོན།། ཀོ་རློན་སྟོད་ལ་རེ་སྡེ་སྨད།། སྦྲུལ་གྱི་སྐེ་རག་བཅིངས་པ་སྟེ། ཁ་ནས་ཁྲག་གི་ཟར་བུ་འཛག། རྐང་པ་སྒྲོག་ཏུ་བཅུག་པར་བྱ།། དེ་ཡི་མདུན་དུ་གཟུགས་བྱ།
254b3 བ།། མཚན་མོ་ནག་མོ་རིག་པའི་གཟུགས།། མགོ་གཅིག་ལག་གཉིས་གྲི་གུག་གཡས།། བྷནྡ་གཡོན་ཁྱེར་གཅེར་བུའི་གཟུགས།། སྒྲ་ནི་གྲོལ་བའི་གཟུགས་སུ་བྱ།། དེ་ནས་ཐུགས་ཀྱི་སྤྲུལ་པ་སྟེ།། གཟས་པའི་སྙིང་ལ
254b4 གཟུང་བར་བྱེད།། དེ་ནས་ཚོན་རྩི་བཟང་པོ་ཡིས།། བོང་བུ་གཱ་ལ་མ་མོ་སྔོ།། མཚན་མོ་ནག་མོ་སྔོ་བཀྲར་བྲི།། གཡོག་མོ་གཉིས་ཀྱི་རང་བཞིན་ལྡན།། ཐོད་པའི་མཁར་གྱི་སྒོ་དག་ནི།། ལྷོ་རུ་བཏོད་ལ་མ
254b5 མོ་གཉིས།། ཟོད་པའི་མཁར་དུ་གཞུག་པར་བྱ།། ལྷོ་རུ་ཁ་བལྟས་བདག་ཀྱང་རུང་།། ལྕགས་རི་བདུན་ལ་མ་མོ་བདུན།། བྱ་ནག་བདུན་གྱི་གཟུགས་སུ་བྱ།། དེ་ནི་གང་གི་དཀྱིལ་འཁོར་རོ།། ད་ནི་གང་གི་དཀྱིལ་འཁོར
254b6 ནི།། མི་ཁོམ་སྐྱ་མོའི་ནང་དུ་ཡང་།། གོང་གི་མ་མོའི་གཟུགས་བརྙན་ནི།། ཤིན་ཏུ་གསང་སྟེ་གཞུག་པར་བྱ།། མི་ཁོག་དེ་ཡི་མགོ་བོ་ནི།། བྱང་ཤར་རྐང་པ་ལྷོ་ནུབ་ཏུའོ།། ཡན་ལག་ལྔ་དང་ལིངྒ་དང་།། སྙིང་ག་བདུན་པོ
iiif viewer powered by OpenSeadragon
