| e-texts navigator |
| Wylie |
254a1 མཚན་མ་གང་།། ཆུ་འཁྱགས་ལས་ལ་ཇི་ལྟར་བསྒྲུབ།། མིང་པོ་གཤིན་རྗེ་ནག་པོ་ཡི།། སྒྲུབ་ཐབས་ཀྱང་ནི་བཤད་པར་མཛོད།། བུ་གཅིག་བདུད་ཀྱི་སྦུབས་ཐབས་ཀྱང་།། ཐུགས་རྗེ་ཆེན་པོ་བཤད་པར
254a2 འཚལ། ཁྱོད་ནི་གནོད་སྦྱིན་ཞེས་བྱ་བ།། དེ་ཡང་དཔལ་པོས་བཤད་དུ་གསོལ།། དེ་ལ་དཔའ་བོས་བཀའ་སྩལ་པ།། དབང་ཕྱུག་ནག་མོའི་དཀྱིལ་འཁོར་ནི།། སྒྲུབ་པའི་དཀྱིལ་འཁོར་བསྡུས་པ་ནི།། ཕྱི་དང་ནང་དང
254a3 གསང་བ་གསུམ།། ཕྱི་ནི་རྒྱ་རུ་མདའ་ཚད་ལ།། དཔངས་སུ་ཁྲུ་ཕྱེད་ལྡན་བྱས་ཏེ།། བ་ཡི་སྣ་ལྔས་བྱི་དོར་བྱས།། གྲུ་གསུམ་ཟླ་གམ་སྒོ་བཞིར་ལྡན།། ཚོན་རྩི་བཟང་པོས་བྱུག་པ་ནི།། གྲུ་གསུམ་མཐིང་ནག་ཟླ་གམ
254a4 དམར།། གྲུ་ཆད་ལྗང་གུ་སྒོ་བཞི་རིགས།། ཤིན་ཏུ་མཛེས་ཤིང་སྤྲས་པ་བྲི།། ནང་གི་འཁོར་ལོ་བྲི་བ་ནི།། དུར་ཁྲོད་ལྟ་བུའི་གནས་དག་ཏུ།། མཎྜལ་འདོམ་གང་ཉམས་དགའ་བ།། དེ་ཕྱིར་གཞན་ཡས་བརྩིགས་པར
254a5 བྱ།། དབུས་སུ་གྲུ་གསུམ་མཐོ་དོ་ལ།། རས་རུས་ཕྲ་མོས་བརྩིགས་པར་བྱ།། དཔངས་ནི་ཆག་གང་ཚད་དུའོ།། དཔལ་ཐར་གཉིས་ཀྱིས་གདུང་གི་ཚུལ།། རྩིབ་མས་གདུང་གིས་སྒྲ་ལག་དགོད།། ཤ་ཆེན་ཁྲག་གི་ཐོག
254a6 ཕུབ་བྱ།། སྟེང་དུ་ཟིང་རིལ་རྐང་གཅིག་ལ།། ནལ་བུའི་ཙིཏྟ་རྒྱལ་མཚན་ཚུལ།། ཐོད་མཁར་དེ་ཡི་ཕྱི་རིམ་དུ།། ལྕགས་ཕྱེ་ས་ནག་བསྲེས་པ་ཡིས།། རི་ཡི་ཚུལ་དུ་ལན་བདུན་བསྐོར།། དེ་ནི་མ་བདུན་གནས་པ
iiif viewer powered by OpenSeadragon
