| e-texts navigator |
| Wylie |
253b1 ཅད་རྗེས་སུ་ཡི་རང་བར་གྱུར་ཏོ།། འཕགས་པ་རྡོ་རྗེ་ནག་མོ་དབང་ཕྱུག་མའི་སྔགས་རྒྱུད་ལས། བསྟོད་ཅིང་རྗེས་སུ་ཡི་རང་བའི་ལེའུ་སྟེ་བཅོ་ལྔ་པའོ།། །། རྫོགས་སོ།། །། རྡོ་རྗེ་ནག་མོ་དབང
253b2 ཕྱུག་མའི་རྒྱུད་ཕྱི་མ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་མངོན་རྫོགས་རྒྱལ་པོ་ལ་འདི་སྐད་ཅེས་གསོལ་ཏོ།། སངས་རྒྱས་ཀུན་གྱི་ཐུགས་ཀྱི་མཆོག། ཧེ་རུ་ཀ་ཏེ་དགྱེས་ཕྱག
253b3 མཛད།། དམ་ཚིག་ཆེན་པོ་སེམས་ཅན་དོན།། རྫོགས་པར་མཛད་ལ་མགོས་ཕྱག་འཚལ།། སྟོང་ཉིད་ངང་ལ་མ་བཞུགས་པར།། བདེ་ཆེན་མནལ་ནས་ཅི་སྟེ་བཞུགས།། ཕྱི་རབས་རྣལ་འབྱོར་དོན་ཆེད་དུ།། ཐེ་ཚོམ་ཆེན
253b4 པོ་ཞུ་བར་འཚལ།། དེ་ནས་ཧེ་རུ་ཀའི་ཆོས་ཉིད་ལ་མནལ་བ་དེ་ལས་བཞེངས་ཏེ་ཕྱག་ན་རྡོ་རྗེ་ཞེས་བོས་ནས། ཐེ་ཚོམ་ཐམས་ཅད་ཁྱོད་ཀྱིས་དྲིས་ཤིག། ངས་བཤད་པར་བྱའོ་ཞེས་གསུངས་པ་དང་། ཕྱག་ན་རྡོ་རྗེས
253b5 འདི་སྐད་ཅེས་སྨྲས་སོ།། ཀྱེ་ཀྱེ་ཐུགས་ཀྱི་བདག་པོ་མཆོག། དབང་ཕྱུག་ཆེན་མོའི་རྒྱུད་ཀྱི་དོན།། མདོར་ན་ཚུལ་ནི་ཇི་ལྟར་བསྒྲུབ།། བསྡུས་པའི་དཀྱིལ་འཁོར་གང་ཞིག་ལགས།། དམ་རྫས་གང་དང་གང་གིས
253b6 བགྱི།། མཆོད་པའི་ཚུལ་ནི་ཇི་ལྟར་མཆོད།། སྲོག་སྙིང་ཡང་དག་གང་ཞིག་ལགས།། གྲུབ་པའི་མཚན་མ་ཇི་ལྟར་དབྱུང་།། ཐུན་རྣམས་བསྡུ་ན་ཇི་ལྟར་བསྡུ།། གསད་པའི་ལས་ནི་གང་གིས་བྱ།། གསད་པའི་དུས་སུ
iiif viewer powered by OpenSeadragon
