| e-texts navigator |
| Wylie |
234a1 དྲག་པའི་རྐྱེན་ལས་གྱུར་པ་བསམ་གྱིས་མི་ཁྱབ་པ་དང་ཐབས་གཅིག་ཏུ་བཞུགས་ཏེ། དེའི་ཚེ་དེ་དག་གི་ནང་ནས། བྱང་ཆུབ་སེམས་དཔའ་སེམས་དཔའ་ཆེན་པོ། གསང་བའི་བདག་པོ་ཕྱག་ན་རྡོ་རྗེས།
234a2 བཅོམ་ལྡན་འདས་མངོན་རྫོགས་ཀྱི་རྒྱལ་པོ་ལ་འདི་སྐད་ཅེས་གསོལ་ཏོ།། ཞིང་དང་བསྐལ་པ་འདི་ཉིད་ལ། ལས་དང་རྐྱེན་ལས་གྱུར་པ་ཡིས།། སྤྲུལ་པར་ནུས་པའི་མ་མོ་ཞིག། སེམས་ཅན་རྣམས་ལ་རྣམ་པར
234a3 འཚེ།། གདུལ་ཕྱིར་དབང་ནི་བསྐུར་བ་དང་།། དམ་ལ་བཏགས་ཏེ་རྣལ་འབྱོར་པས།། སྒྲུབ་ཐབས་ལ་སོགས་བཤད་པར་བྱོས།། རྡོ་རྗེ་འཛིན་ལ་བདག་ཉན་འཚལ།། ཅེས་གསོལ་པ་དང་། དེ་ནས་བཅོམ་ལྡན་འདས
234a4 ཀྱིས་འདི་སྐད་ཅེས་གསུངས་སོ།། གསང་བདག་རྡོ་རྗེ་འཛིན་པ་ཁྱོད།། ཕྱག་རྒྱ་དབང་བསྐུར་སྦྱོར་བ་གཉིས།། དུས་ལ་བབ་ན་ཉན་པར་བྱོས།། བྱིན་རླབས་དབང་ནི་བསྐུར་བར་བྱ།། དེ་ནས་བྱང་ཆུབ་སེམས་དཔའ
234a5 སེམས་དཔའ་ཆེན་པོ་ཕྱག་ན་རྡོ་རྗེ་ཉིད་ཀྱི་རྒྱུད་དང་། སྲིན་མོ་ཆེན་པོ་སྤྲུལ་པ་ནུས་པའི་རྒྱུད་གཉིས་སུ་མངོན་པར་སྤྲུལ་ཏེ། གསང་བའི་བདག་པོ་ཉིད་ཀྱི་རྒྱུད་ནི། དོན་དམ་པ་འདྲི་བར་གྱུར་ཏོ།། སྲིན་མོ་ཆེན་མོའི་རྒྱུད
234a6 ནི། ནུབ་ཕྱོགས་ཀྱི་སྒོ་ནས་ཐལ་མོ་སྦྱར་ཏེ། དབང་ནོད་པར་གྱུར་ཏོ།། དེ་ནས་བཅོམ་ལྡན་འདས་མངོན་རྫོགས་རྒྱལ་པོས། ཡུམ་གྱི་བྷ་ག་ལ་གསང་བའི་རྡོ་རྗེ་བཟླས་པས། ཉི་ཟླའི་སྟེང་དུ་གནས་ཡུལ་གྱི་ཁྲོ་མོར་གྱུར
iiif viewer powered by OpenSeadragon
