| e-texts navigator |
| Wylie |
232b1 གཅིག་མ།། ཐུགས་ཀྱི་སྤྲུལ་པ་ནག་མོ་བདུན།། ནག་མོ་བདུན་ཚོགས་ནག་མོ་ཉི་ཤུའི་ཚོགས། སྐུའི་སྤྲུལ་པ་དམར་མོ་བདུན་ཚོགས། དཀར་མོ་ཉི་ཁྲིའི་ཚོགས། གསུང་གི་སྤྲུལ་པ་དམར་མོ་བདུན་ཚོགས། དམར་མོ་ཉི
232b2 ཁྲི་ཚོགས། ཐུགས་ཀྱི་སྤྲུལ་པ་སྨུག་མོ་བདུན་ཚོགས། སྨུག་མོ་ཉི་ཁྲིའི་ཚོགས། ཡོན་ཏན་མ་མོ་སེར་ནག་བདུན་ཚོགས། སེར་མོ་ཉི་ཁྲིའི་ཚོགས། ཕྲིན་ལས་སྤྲུལ་པ་ལྗང་ནག་བདུན་ཚོགས། ལྗང་ནག་བདུན་ཅུའི
232b3 ཚོགས། མ་མོ་ངོས་འཛིན་གྱི་ལེའུ་སྟེ་བཅུ་གཅིག་པའོ།། །། གཡུང་དྲུང་ལྷ་ཡིས་ཡང་གསོལ་པ།། སྣང་སྲིད་ཐིག་ལེ་ཇི་ལྟར་བསྡུ།། མངོན་རྫོགས་ཡབ་ཀྱིས་བཀའ་སྩལ་པ། སྣང་སྲིད་ཐིག་ལེ་འདི་ལྟར་བསྡུ།
232b4 དེ་ཡང་གང་ཞེ་ན། ཡིད་དང་ཀུན་གཞི་དང་། རྣམ་པར་ཤེས་པ་ལས། མ་མོ་ཐིག་ལེ་རྒྱུར་གསལ་ཏེ། མ་མོ་ལྷུན་གྱིས་རྫོགས་པའི་ཐིག་ལེ་དང་། མ་མོ་གནས་ཀྱི་ཐིག་ལེ་དང་། མ་མོ་ལུང་གི་ཐིག་ལེ་དང་། མ་མོ་སྒྲུབ
232b5 པའི་ཐིག་ལེ་དང་། མ་མོ་སྤྲུལ་པའི་ཐིག་ལེ་དང་། མ་མོ་ཐབས་ཀྱི་ཐིག་ལེ་དང་། མ་མོ་ཤེས་རབ་ཀྱི་ཐིག་ལེ་དང་། མ་མོ་སྐུ་གསུང་ཐུགས་ཀྱི་ཐིག་ལེ་དང་། བྱང་ཆུབ་སེམས་ཀྱི་ཐིག་ལེ་དང་། ཀུན་ནས་ཟླུམ་པའི་ཐིག
232b6 ལེ་ཞེས་ཀྱང་བྱ། ཀློང་ཡང་པའི་ཐིག་ལེ་ཞེས་ཀྱང་བྱ། བརྗོད་དུ་མེད་པའི་ཡེ་ཤེས་ཀྱི་ཐིག་ལེ་ཞེས་ཀྱང་བྱ། མ་ནོར་བ་ཞེས་ཀྱང་བྱ། གཏན་ལ་འབེབས་པ་ཞེས་ཀྱང་བྱ། མ་བཅོས་པ་ཞེས་ཀྱང་བྱ། རྒྱུ་རྐྱེན་མེད་པ་ཞེས
iiif viewer powered by OpenSeadragon
