| e-texts navigator |
| Wylie |
231a1 ཆེན་འབར་བ་ཡིས།། བདུད་བགེགས་ཞི་བར་བསྲེགས་པ་བཞིན།། འབར་བྱེད་ཆེན་པོའི་དབང་ཐོབ་ཤོག། རྔ་ཆེན་དག་གིས་དབང་བསྐུར་བས།། རྔ་ནི་གསང་བ་ཡུམ་གྱི་ངང་།། ཤེས་རབ་ཐབས་ཀྱི་སྒྲ
231a2 སྒྲོགས་པས།། ཐབས་ཀྱི་ཕྱག་རྒྱ་བསྐྱོད་ནས་ནི།། རྔ་ཡི་བྱེ་བྲག་འདི་ལས་བྱུང་།། གསང་བ་རྔ་ཡི་དབང་ཐོབ་ཤོག། ཞིང་མཆོག་དག་གིས་དབང་བསྐུར་བས།། ཐོར་ཐོ་རྒྱ་མདུད་ཁྲོ་བོ་བརྒྱད།། ཐུགས་ཀྱི་སྤྲུལ་པའི་གྲ
231a3 ཡང་འགྱེད།། སྐེད་པའི་རྒྱ་མདུད་གྲ་བརྒྱད་ལ།། གསང་བའི་མ་མོ་བརྒྱད་ཕྱུང་ཞིང་།། ཐུགས་ཀྱི་འོད་ཟེར་ཕྱོགས་བཅུར་འགྱེད།། རྩེ་མོ་དག་ནི་ཟུར་གསུམ་ལ།། སྲིད་པའི་མ་མོ་དབང་དུ་བསྡུ། ཁམས་གསུམ་ཐམས
231a4 ཅད་དབང་དུ་སྡུད།། ཟིལ་གྱིས་གནོན་པའི་དབང་ཐོབ་ཤོག། རཀྟ་མཱཾ་སས་དབང་བསྐུར་བས།། མ་མོ་གསང་ཆེན་དགྱེས་པ་འདིར།། སྒྲོལ་གིང་ཆེན་པོ་སྐར་ལྟར་བཀྲམ།། རཀྟའི་རྒྱ་མཚོ་མཚོ་ལྟར་རླབས།། མ་མོ
231a5 སྒྲུབ་པའི་དབང་ཐོབ་ཤོག། ཚིལ་ཆེན་གསུར་གྱིས་དབང་བསྐུར་བས།། སྲིད་པ་ཐམས་ཅད་དྲི་སྣོམ་ཞིང་།། དྲི་ཡི་མཆོད་པ་དམ་པ་འདིས།། གསང་བའི་མ་མོ་དྲི་ལ་དད།། གསུར་དང་དྲི་ལ་སྡོམ་པ་མོ།། ཇི་ལྟར་གོང་དུ
231a6 བཅོལ་བ་བཞིན།། བསྒྲུབ་པའི་ལས་རྣམས་བསྒྲུབས་པ་བཞིན།། ལས་ཀྱི་དབང་རྣམས་བསྒྲུབས་ནས་ནི།། དཔའ་བོ་ཆེན་པོའི་སྤྱན་སྔ་རུ།། འཁུ་ལྡོག་བྲན་ལྟར་མི་བྱེད་ཅིང་།། སེམས་ཀྱི་དག་པ་ཉེར་བཞག་ཅིང་།། མ
iiif viewer powered by OpenSeadragon
