| e-texts navigator |
| Wylie |
230b1 པ།། བསྒྲུབ་པའི་ལས་ཀྱི་དབང་རྣམས་ནི།། ངས་གསུང་པ་ལ་ཐེ་ཚོམ་མེད།། ངས་གསུང་པ་ལ་ནན་ཏན་བསྐྱེད།། ཅེས་བཀའ་སྩལ་པས། གཡུང་དྲུང་ལྷ་ཡིས་ཡང་གསོལ་པ།། ཕྱི་དབང་ཆེན་པོ་བདག་ལ་སྩོལ།། ནང
230b2 དབང་ཆེན་པོ་བདག་ལ་སྩོལ།། གསང་དབང་ཆེན་པོ་བདག་ལ་སྩོལ།། སྤྱི་དབང་ཆེན་པོ་བདག་ལ་སྩོལ།། དེ་སྐད་ཞུས་པ་གསན་ནས་ཀྱང་།། རྫོགས་སངས་རྒྱས་ཀྱི་བཀའ་སྩལ་པ།། ཕྱི་ནང་གསང་བའི་དབང་རྣམས
230b3 ནི།། ང་ཡི་རྒྱུད་ཀྱི་ཐུགས་ལ་གནས།། ང་ཡི་ཐུགས་ཀྱི་གསང་རྒྱུད་ནི།། གཏིང་ནས་གཟུངས་ལ་ཁྱོད་ལ་གཏད། ཁྱོད་ཀྱི་སེམས་ལ་བརྣག་པར་གྱིས།། ལྕང་ལོར་བཅས་པའི་བྷནྟ་འདི།། ང་ཡི་ལག་ཏུ་གཟུང་ནས
230b4 ནི།། སྣོད་ལྡན་ཁྱོད་ལ་དབང་བསྐུར་རོ།། བྷནྣ་མཛེས་པའི་དཀྱིལ་འཁོར་དུ།། བདེ་ཆེན་གསང་བའི་དབང་བསྐུར་བ།། ལྟག་སྤྱོད་ཟུར་གསུམ་བདེ་ཆེན་འདིས།། མ་མོ་ཐམས་ཅད་བསྒྲུབ་བྱའི་ཕྱིར།། བདུད
230b5 རྣམས་ཐམས་ཅད་ཟིལ་གྱིས་གནོན།། རྐྱེན་དྲུག་དབང་དུ་བསྡུ་བའི་ཕྱིར།། སྒྲོལ་བྱེད་དག་གིས་དབང་ཐོབ་ཤོག། དུང་ཆེན་དག་གིས་དབང་བསྐུར་བས།། སྣང་སྲིད་ཐམས་ཅད་བསྒྲགས་པ་བཞིན།། དེང་གི་ཡོན
230b6 བདག་བུ་ཁྱོད་ཀྱང་།། ཆོས་ཀྱི་དབྱིངས་ཀྱི་སྒྲ་སྒྲོགས་ཤོག། མ་མོ་སྒྲུབ་པའི་དབང་ཐོབ་ཤོག། ཞིང་ཆེན་དག་གིས་དབང་བསྐུར་བས།། ཞིང་གི་ཁྱད་པར་བྲེས་པ་བཞིན།། བདུད་བཞི་གཡབ་ཀྱི་བོར་ནས་ནི།། ཧཱུཾ་གི་མེ
iiif viewer powered by OpenSeadragon
