| e-texts navigator |
| Wylie |
230a1 གདབ་པར་བྱའོ།། དེས་ནི་མྱུར་དུ་འབོག་པར་འགྱུར་རོ།། གསེར་དང་དུང་དང་ལྕགས་གསུམ་ལ། དགྲ་བོའི་མིང་བྲིས་ཏེ་བསྲེས་ལ། རྫ་མ་ནག་པོའི་འོག་ཏུ་བཅུག་ལ། བ་ཏི་ཙ་ར་ནའི་སྔགས་བཏབ་ལ
230a2 བོས་ཤིང་གཏད་ན་རྦབ་དང་བྲག་གཡང་དུ་འཆིའོ།། ཆོ་ག་བྱེད་པའི་དུས་སུ་མ་མོའི་བདུད་ཆས་སུ་ཞུགས།། ངོ་ལ་ཁྲག་གིས་བྱུག་ལ། བདག་ཉིད་མུ་ཁ་ལེའམ་དབང་ཆེན་གྱི་ས་མཱ་ཏིར་ཞུགས་ལ། གཞུང་བཞིན་དུ
230a3 ལས་བཅོལ་ལོ།། ཕོ་རིགས་ཕྱི་མ་ལ་ལས་གཏད་ཅིང་ལས་བཅོལ་བ་ནི། ཡོད་ན་འཁུ་ལྡོག་ཆེ་ལ་རྒྱབ་འགྱུར་ཆེ་བས་འདིར་མ་གསུངས་སོ།། དགྲ་བོ་བདུད་ལ་གཏད་པའི་ལས་སོ།། གྲགས་པ་གཞོན་ནུའི་གདུང
230a4 རབས་ནི།། ཉི་ཤུ་རྩ་གཉིས་བརྒྱུད་པ་ཡི།། དྲག་པོའི་ངན་སྔགས་བདུན་པོ་ནི།། ཆུ་སྲིན་གྲེ་བར་རིན་ཆེན་སོང་བ་བཞིན།། བསྐལ་པར་ཡང་ནི་མི་གཏང་ངོ་།། རྨོངས་ལ་འཆལ་བས་བྱིན་གྱུར་ན།། དུས་མིན་བར་ནི
230a5 སྲོག་ཟད་ནས།། བསྐལ་པ་བདུན་དུ་བརླག་པར་འགྱུར། གསང་བ་གཏན་ཚིགས་ཀྱི་ལེའུ་སྟེ་དགུ་པའོ།། །། གཡུང་དྲུང་ལྷ་ཡིས་ཡང་གསོལ་པ།། མ་མོ་གསང་ཆེན་དཀྱིལ་འཁོར་དུ།། སྒྲུབ་པའི་རྩལ་གྱིས་དབང
230a6 བསྐུར་བ།། བདག་གིས་ནན་ཏན་ཇི་ལྟར་བསྐྱེད།། རྫོགས་སངས་རྒྱས་ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། རྫོགས་སངས་རྒྱས་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག
iiif viewer powered by OpenSeadragon
