| e-texts navigator |
| Wylie |
226b1 འདབ་བརྒྱད་ལ།། ཕྱོགས་བཞིར་ཁྲོས་པའི་དབང་ཆེན་བསྐྱེད།། མཚམས་བཞིར་གསང་བའི་ཡུམ་བཞི་དགོད།། ཕྱོགས་བཞིར་ཕྱག་རྒྱ་ཆེན་པོ་བཞི།། གཉིས་ལ་ཐོད་ཕྲེང་རྒྱ་མཚོ་གཉིས།། གཅིག་ལ་ཚེ་ཡི་སྙིང་པོ
226b2 བྲི།། སྨན་མོ་ཕྱེ་མ་དོན་གྱིས་སྦྱར།། དཀྱིལ་འཁོར་དེ་ཡི་ཕྱི་རིམ་དུ།། བཀྲ་ཤིས་བརྒྱད་ཀྱང་དགོད་པར་བྱ།། སྒོ་བཞིར་ཁྲོ་བོ་བཞི་ཡང་དགོད།། ཚིལ་ཆེན་མར་མེ་རྒྱུན་མི་གཅད།། ཡོ་བྱད་ཚོགས་པའི་ཟས་རྣམས
226b3 ལ།། རྩ་བའི་སྔགས་ཀྱིས་བཏབ་ལ་བཞག། མ་མོ་སྤྱི་ཡི་ཕྱག་རྒྱ་བཅོས།། ཨཱ་ཡུཿབྱ་བའི་སྔགས་ཀྱིས་གདབ།། དངོས་གྲུབ་རྟགས་དང་སྦྱར་ནས་ནི།། གསོ་བསྐྱེད་བཟླས་ཤིང་བསྟིམ་པར་བྱ། ཚེ་སྒྲུབ་པའི་ལེའུ་སྟེ་ལྔ
226b4 པའོ།། །། རྡོ་རྗེ་སེམས་དཔས་ཡང་གསོལ་པ།། ཐིག་ལེའི་སྤྱོད་པ་ཉམས་པ་དང་།། དཔའ་བོའི་ཐིག་ལེ་ཉམས་པ་དང་།། ལས་དེ་སླར་ལ་ཟློག་པའི་ཕྱིར།། ཉག་གཅིག་ཡབ་ལ་བདག་ཉན་འཚལ།། ཡང་དག
226b5 རྫོགས་ཀྱིས་བཀའ་སྩལ་པ།། ལས་དེ་སླར་ཡང་ཟློག་པའི་ཕྱིར།། ངེས་པའི་མན་ངག་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། རྟགས་དང་མཚན་མ་བྱུང་བའི་ཚེ།། བསྡམས་པའི་ཕྱག་རྒྱ་བཀྲོལ་ནས
226b6 ནི།། དགྲ་ཡི་ཡུལ་ཕྱོགས་བལྟས་ནས་ནི།། གྲོ་ག་ཤིང་ཤུན་རས་སོགས་ལ།། མི་དེའི་མིང་སྨྲས་བྱང་བུར་བྲིས་ནས་ནི།། དེ་ཡི་ལག་ཏུ་བསྐུར་ནས་ནི།། ཤུགས་སྒྲོལ་མ་ཡི་སྔགས་ཀྱིས་གདབ། ཁྲག་དང་དུག་གི་གཏོར
iiif viewer powered by OpenSeadragon
