| e-texts navigator |
| Wylie |
226a1 མ་ལ། ཁྲག་དང་མཚལ་གྱིས་གཟུགས་བྱས་ལ།། གསེར་རམ་སེར་པོའི་ཕུར་བུས་གདབ།། དེས་ནི་ངན་སྔགས་ཟློག་པར་འགྱུར།། གལ་ཏེ་ལས་སུ་མ་གྲུབ་ན།། དབུས་ཀྱི་ཆེ་མཆོག་ཡབ་ཡུམ
226a2 གཉིས།། སྒྲ་ཚིལ་དག་ལ་གཟུགས་བྱས་ལ།། ལྕགས་སམ་ནག་པོའི་ཕུར་པ་ཡིས།། ཐུགས་ཀ་ཉིད་དུ་གདབ་པར་བྱ།། ལས་རྣམས་འགྲུབ་པར་གདོན་མི་ཟ།། ཀཱི་ལ་ཡ་ཡི་སྔགས་བརྗོད་པས།། ཆོས་ཉིད་དབྱིངས་སུ
226a3 གདབ་པར་བྱ།། ཆེ་མཆོག་རྟགས་ཀྱི་ཕྱག་རྒྱ་ཡིས།། འགྱུར་མེད་དབྱིངས་སུ་རྒྱས་གདབ་བོ།། ངན་སྔགས་ཕུར་བུས་བཟློག་པའི་ལེའུ་སྟེ་བཞི་པའོ།། །། རྡོ་རྗེ་སེམས་དཔས་ཡང་གསོལ་པ།། དེ་ལྟར་ངན་སྔགས
226a4 བཟློག་ནས་ནི།། སྔོན་དུ་སྔ་མའི་སྔགས་ཟེར་དེས།། ཚེ་སྲོག་ཉམས་ན་ཇི་ལྟར་གསོ།། རྫོགས་སངས་རྒྱས་ཀྱིས་བཀའ་སྩོལ་ཅིག། སྔོན་དུ་སྔ་མའི་སྔགས་ཟེར་དེས། ཚེ་སྲོག་ཉམས་ན་གསོ་བའི་ཕྱིར།། གསང་བའི་ཆོ
226a5 ག་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། སྟེགས་བུ་འདོམ་གང་གྲུ་བཞི་ལ། འཁོར་ལོ་རྩིབས་བརྒྱད་དེ་དབུས་སུ།། པདྨ་ཆེན་པོ་འདབ་བརྒྱད་བྲི།། པདྨ་ཆེན་པོ་དེ་དབུས་སུ།། རིན་ཆེན་འབར་བ་ཟུར
226a6 བརྒྱད་བྲི།། དེ་དབུས་ཟླ་གམ་ཟླུམ་པོ་ལ།། བྷནྡྷ་མཚན་དང་ལྡན་པ་བཞག། རིན་ཆེན་འབར་བ་ཟུར་བརྒྱད་ལ།། ལྔ་ལ་རྟག་པའི་རྒྱལ་མོ་ལྔ།། གཉིས་ལ་སྨེ་ཤ་པྲ་མོ་ཧ།། གཅིག་ལ་ཚེ་ཡི་སྙིང་པོ་བྲི།། པདྨ་ཆེན་པོ
iiif viewer powered by OpenSeadragon
