| e-texts navigator |
| Wylie |
225b1 གཞུང་བཞིན་བྱ།། དེ་ནས་གསང་བའི་མཚམས་བཅད་དོ།། ལས་ཀྱི་དཀྱིལ་འཁོར་གཞུང་བཞིན་བྱ།། ནང་གི་སརྦ་རུ་པ་གཏོང་།། བསྐང་གསོ་སྤང་སྐོང་གྲངས་ཀྱི་གདོན།། བསྐང་བའི་གནས་ལྔ་བཞིན་དུ་བསྐང་།། མ
225b2 ཧཱ་ཤཱནྟིའི་ཆོ་ག་བྱ།། མ་མོར་གྲགས་པ་ཀུན་ཀྱང་བསྐང་།། ཡོ་བྱད་ནག་པོ་གཞུང་བཞིན་གཏང་།། རྟགས་དང་མཚན་མ་ཞིབ་ཏུ་བརྟགས།། རྟགས་དང་མཚན་མ་ཟིན་པ་དང་།། བསྐང་བཟློག་ཆོ་ག་བརྩམ་པར
225b3 བྱ།། དེས་ནི་མཚན་མ་ཟློག་པར་འགྱུར།། བཟློག་པའི་ལེའུ་སྟེ་གསུམ་པའོ།། །། དེ་ནས་བསྒྱུར་ཏེ་ཡང་གསུངས་པ།། བསྐང་བ་དེས་ཀྱང་མ་བསྐངས་ན།། དབང་གི་རྒྱལ་པོའི་སྐུར་བསྒོམས་ཏེ།། རྩ་བ་གང་ཡིན
225b4 མ་མོ་དེ།། ཀུ་ཤ་ལ་ལ་གཟུགས་བྱས་ཏེ།། ཡན་ལག་བསྡུས་ལ་རྒྱ་ཡིས་གདབ།། དམན་མོ་ལྔ་བཅུ་རྩ་གསུམ་ཡང་།། ཤིང་ཤུན་དག་ལ་གཟུགས་བྲིས་ལ།། ཏ་ར་བ་ཏིའི་སྐུད་པས་གདགས།། ཡེ་ཤེས་མ་མོ་བཅུ་བཞི
225b5 ཡང་།། ཆེ་མཆོག་སྐུ་རུ་བསྒོམ་ནས་ནི།། མགོ་ལུས་བསྣོལ་ཏེ་གདན་དུ་གདིང་།། དེས་ནི་ངན་སྔགས་ཟློག་པར་འགྱུར།། གལ་ཏེ་ལས་སུ་མ་གྲུབ་ན།། བརྟགས་ཏེ་རྩ་བ་གང་ཡིན་པ།། ཤོག་ཤོག་དག་ལ་གཟུགས་བྱས
225b6 ལ།། མཆོག་གི་ཕུར་བུ་གཡས་པས་བརྡེག། སྨན་མོ་ལྔ་བཅུ་རྩ་གསུམ་ཡང་།། འཛག་མ་དག་ལ་གཟུགས་བྱས་ལ།། ཟངས་ཀྱི་ཕུར་བུ་དམར་པོས་གདབ།། དབུས་ཀྱི་མ་མོ་བཅུ་གསུམ་ཡང་།། ཞིང་གི་ཤུན་མའི་རས
iiif viewer powered by OpenSeadragon
