| e-texts navigator |
| Wylie |
225a1 རྒྱ་གཉིས་བཅིངས་ལ།། སྥོ་ཊ་བཾ་གྱི་སྔགས་ཀྱིས་བསྡམ།། དྲིལ་བུའི་ཕྱག་རྒྱ་གཉིས་བཅིངས་ལ།། གྷཎྜེ་ཧོ་ཡི་སྔགས་ཀྱིས་སྦར།། བདག་ཉིད་དབང་ཆེན་སྐུར་བསྒོམས་ཏེ།། ཕོ་ཉ་དྲུག་ཅུས་རྟེན་ལ
225a2 དབབ།། གོང་གི་ལས་རྣམས་སྦྱར་ལ་བྱ།། དེས་ནི་མཚན་མ་འབྱུང་བར་འགྱུར།། དེས་ནི་མཚན་མ་མ་བྱུང་ན།། འདའ་ར་པ་ཏིའི་སོབ་པ་ལ།། མ་ལ་ཏི་ཡི་ཁྲག་གིས་བྲིས།། གདང་ཏ་ག་ནའི་དོང་དུ་གཞུག། ཆེ་མཆོག
225a3 ཡབ་ཡུམ་བསྒོམས་ནས་ནི།། སྨན་མོའི་སྔགས་དང་ཕྱག་རྒྱས་གདབ།། སྒྲུབ་པའི་ཕྲིན་ལས་གཞུང་བཞིན་བྱ།། ཉེ་འབྱེད་ཀྱི་ལེའུ་སྟེ་གཉིས་པའོ།། །། རྡོ་རྗེ་སེམས་དཔས་ཡང་གསོལ་པ།། དམ་ཚིག་འདས
225a4 པའི་སྔགས་ཟེར་དང་།། འཇིག་རྟེན་མཚན་མའི་བྱོལ་པོ་དང་།། ལྷ་འདྲེ་དྲག་པོར་གཡོས་པ་ཡི།། ངན་སྔགས་རྫུ་འཕྲུལ་ཇི་ལྟར་ཟློག། རྫོགས་སངས་རྒྱས་ལ་བདག་ཉན་འཚལ།། དེ་སྐད་གསོལ་པ་གསན་ནས
225a5 ང་། ངོ་མཚར་ལྷ་ཡིས་བཀའ་སྩལ་པ།། དམ་ཚིག་འདས་པའི་སྔགས་ཟེར་དང་།། འཇིག་རྟེན་མཚན་མའི་བྱོལ་པོ་དང་།། དྲག་པོར་གཡབ་པའི་རྫུ་འཕྲུལ་རྣམས།། བཟློག་པའི་ལས་རྣམས་ངས་བསྟན
225a6 གྱིས།། ཉོན་ཅིག་གཡུང་དྲུང་ཡང་དག་པ།། ངན་སྔགས་པར་བུས་ཟློག་པའི་ཕྱིར།། གཏན་ཚིགས་མན་ངག་འདི་གསུངས་སོ།། བ་ཀོ་འདྲ་བའི་མཎྜལ་གཞུང་བཞིན་བྱ། སྭཙྪ་ཙ་ཏི་མང་དུ་གདབ།། ཕྱི་ཡི་བཤགས་པ
iiif viewer powered by OpenSeadragon
