| e-texts navigator |
| Wylie |
224b1 ཅན་ཀུན་ལ་གནོད་བྱེད་པའི།། རྟག་ཏུ་གདུག་པའི་སེམས་འཆང་རྣམས།། ལུས་སེམས་སོ་སོར་དབྲལ་བའི་ཕྱིར།། དབྱེ་བའི་ལས་རྣམས་ངས་བསྟན་གྱི།། ཉོན་ཅིག་གཡུང་དྲུང་ཡང་དག་པ།། འགོ་བའི་ལྷ་དང་ཕྲལ
224b2 བའི་ཕྱིར།། བྱ་རོག་འུག་པའི་གུང་རུ་ལ།། ཨ་དང་ནརྀ་ཡི་ཡི་གེ་བྲི།། རྨེ་བ་རྐང་གི་དྲེག་པས་སླན།། ཤོག་ཤོག་གྲུ་བཞི་ཚོན་རེ་ལ།། ལྷ་དང་མི་ཡི་མིང་བྲིས་ལ།། ཚོན་སྐུད་སྣ་ལྔས་བྱད་དུ་གཞུག། རྐང་དུ་རྩ་དུར་བཅུག
224b3 ནས་ནི།། འོག་གི་ཕྱིན་ཕྱོགས་དག་ཏུ་བསྟན།། དུ་ར་ནག་པོས་རྐང་དུར་བསྡམ།། བནྡྷ་ལི་ཡི་དར་གྱི་གྲིལ།། ཨ་ཏྲི་ས་ལའི་ཐག་པས་བཅིང་།། འདའ་ར་པ་ཏིའི་རྒྱུས་པས་གདགས།། པ་ར་མ་ཏིའི་དུ་བས་གདུག། སྲི
224b4 ཤའི་ཤིང་ལ་བཏགས་ནས་ཀྱང་།། ཐང་ལ་ཕྱར་ཏེ་སྡང་མིག་བལྟ།། ཨ་ཏ་བ་ཡི་ལྕགས་ཀྱིས་བརྡེག། རྦ་ན་ཏ་ཡི་དུ་བས་བདུག། ཙ་ར་ཏ་ཡི་མདའ་ཡིས་བརྡེག། གུ་པ་ཏའི་སར་ཡང་མགུལ་དུ་གདགས།། མ་ལ་ཏ་ཡི
224b5 སྒྲོསྒོ་ནས་དབྱུང་།། མེ་ལྕེ་འབར་བའི་སྙིང་པོ་བཟླས།། རྣར་ཉན་ཕྲ་མའི་གཟུགས་བྲིས་ལ།། ལྷ་དང་མི་ཡི་བར་དུ་གཟུག། མཱ་ར་ཎ་ཡི་སྔགས་ཀྱིས་དབྱེ།། མཚོན་ཆའི་ཕྱག་རྒྱ་བཅས་ནས་ནི།། གཟུགས་ཀྱི་བར་དུ་བརྡེག
224b6 པར་བྱ།། རཀྑ་རུ་པའི་སྔགས་ཀྱིས་གདབ།། ལྕགས་ཀླུའི་ཕྱག་རྒྱ་གཉིས་བཅིངས་ནས།། ཨངྐུ་ཤ་ཡི་སྔགས་ཀྱིས་དྲངས།། ཞགས་པའི་ཕྱག་རྒྱ་གཉིས་བཅིང་ལ།། པཱ་ཤ་ཧཱུཾ་གི་སྔགས་ཀྱིས་བཅིང་།། ལྕགས་སྒྲོག་ཕྱག
iiif viewer powered by OpenSeadragon
