| e-texts navigator |
| Wylie |
223b1 ལགས།། འབྱུང་བ་ལྔ་པོ་གང་ལས་གྲུབ།། སངས་རྒྱས་རྒྱུ་ཉིད་གང་ལས་གྲུབ།། བདེ་བ་ཆེན་པོའི་ངང་ཉིད་ལས།། རྒྱུ་རྐྱེན་གཉིས་ཀྱིས་བསྐྱེད་ལགས་ན།། འབྱུང་བ་གཉིས་ཀྱི་ངང་ཉིད་ལས།། འདི་ལ་འཕོ་འགྱུར
223b2 མཆིས་ལགས་སམ།། ཉོན་ཅིག་གཡུང་དྲུང་ཡང་དག་པ།། ཆེ་བས་ཆེ་བའི་ཟབ་མོ་འདི།། ཆེ་བའི་ཡེ་ཤེས་རྙེད་དཀའ་བ།། ཤེས་རབ་ཐབས་ལ་བརྟེན་པས་འགྲུབ།། མ་དང་མོ་ཡི་དོན་རྟོགས་ན།། མ་སོང་བ་ན་ངེས
223b3 པར་ཐོབ།། ཡིད་བཞིན་ནོར་བུ་མ་བཙལ་རྙེད།། ཡེ་ཤེས་ཉི་མ་རང་ལས་ཤར།། ཆེན་པོ་ལྔ་ཡི་ངང་ཉིད་དུ།། ཐམས་ཅད་མ་ལུས་སངས་རྒྱས་སོ།། ཧཱུཾ་ཧཱུཾ་ཧཱུཾ། ཏིང་འཛིན་དབང་ཆེན་དཀྱིལ་འཁོར་རིམ་བཞིན
223b4 བསྐྱེད།། བདག་ཉིད་དབང་ཆེན་སྐུར་བསྒོམས་ཐམས་ཅད་དབང་དུ་བསྡུས།། དབུ་དགུ་བཅོ་བརྒྱད་ཕྱག་སྟེ་ཞབས་ཀྱང་བརྒྱད་དུ་བསྟན།། མན་ངག་མཛུབ་ཚུགས་དྲུག་གིས་དོན་རྣམས་ཚང་བར་སྟོན།། རྡོ་རྗེ་སེམས
223b5 དཔས་ཡང་གསོལ་པ།། སེམས་ཅན་དུས་མིན་འཆི་བ་རྣམས།། དེ་ལས་ཟློག་ན་ཇི་ལྟར་བཟློག། བསྐང་བའི་གནས་ལྔ་ཇི་ལྟར་ལགས།། ཡང་དག་རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས
223b6 ཀྱང་།། ཡང་དག་རྫོགས་ཀྱིས་བཀའ་སྩལ་པ།། སེམས་ཅན་དུས་མིན་འཆི་བ་དེ།། བསྐང་བའི་གནས་ལྔ་འདི་རྣམས་སོ།། ཧཱུཾ་སྣང་སྲིད་ཐམས་ཅད་ཡུམ་གྱི་བྷ་ག་སྟེ།། དུས་གསུམ་བདེ་གཤེགས་ཡུམ་གྱི་གྲོང་ནས
iiif viewer powered by OpenSeadragon
