| e-texts navigator |
| Wylie |
222b1 བྱང་སྐོར་གྱི་རྒྱུད་ཕྱི་མ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། སྔོན་འདས་པའི་དུས་མ་བྱུང་བའི་སྔོན་རོལ་ན། སྲིད་པ་ཐམས་ཅད་ཀྱི་སེམས་ཅན་མྱ་ངན་ལས་འདའ་བ་དང་། ཐེ་ཚོམ
222b2 བཅད་པའི་ཕྱིར་རྡོ་རྗེ་སེམས་དཔས་ཞུས་པ། རྡོ་རྗེ་སེམས་དཔས་ཡང་གསོལ་པ་དང་། འཇིག་རྟེན་པ་ཡི་ཆོས་རྣམས་ལས།། སེམས་ཅན་མྱ་ངན་ཇི་ལྟར་འདའ།། རྟག་ཆད་མཐའ་གཉིས་གང་དུ་བསྡུ།། ཡང་དག
222b3 རྫོགས་ཀྱིས་བཀའ་སྩོལ་ཅིག། དེ་སྐད་གསོལ་པ་གསན་ནས་ཀྱང་།། ཉག་གཅིག་ཡབ་ཀྱིས་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། སྣོད་ཀྱི་འཇིག་རྟེན་ཀུན་བཟང་ཀློང་།། བཅུད་ཀྱི་འཇིག་རྟེན
222b4 སངས་རྒྱས་རྒྱུ།། ཕྱི་ནང་སྣོད་བཅུད་རྣམ་པར་དག། རྟག་ཆད་མཐའ་གཉིས་མྱ་ངན་འདས།། གཡུང་དྲུང་ལྷ་ཡིས་ཡང་གསོལ་པ།། སྟོན་པ་རྣམ་གསུམ་གང་ལ་བགྱི།། སྡུད་པ་རྣམ་གསུམ་གང་ལ་བགྱི།། གནས་ཞེས
222b5 བགྱི་བ་ཇི་ལྟ་བུ།། གནས་ལ་ངེས་པ་དུ་ཞིག་མཆིས།། དུས་ཞེས་བགྱི་བ་ཇི་ལྟ་བུ།། དུས་ལ་རྣམ་པ་དུ་ཞིག་མཆིས།། ཡང་དག་རྫོགས་ཀྱི་བཀའ་སྩོལ་ཅིག། ཉོན་ཅིག་གཡུང་དྲུང་ཡང་དག་པ།། སྟོན་པ་རྣམ་གསུམ་ཡེ
222b6 ཤེས་སྐུ།། སྡུད་པ་རྣམ་གསུམ་རིག་པའི་གཏེར།། འཕོ་འགྱུར་མེད་པས་གནས་ཞེས་བྱ།། ཡང་དག་དོན་རྟོགས་དུས་ཞེས་བྱ།། རྡོ་རྗེ་སེམས་དཔས་ཡང་གསོལ་པ།། ལྷ་ལ་རྣམ་པ་དུ་ཞིག་མཆིས།། འཁོར་ལ་རྣམ་པ་དུ
iiif viewer powered by OpenSeadragon
