| e-texts navigator |
| Wylie |
221a1 ཝ་ཨཱཏྨ་ཀོ&ཧཾ། མ་མོ་གསང་ཆེན་འདུས་པ་འདིར།། སྙིང་པོ་ལྔ་ཡིས་དབང་བསྐུར་བས།། དེ་རིང་ཕན་ཆད་བུ་ཁྱོད་ཀྱིས།། ཚེ་ཡང་ཤིན་ཏུ་རིང་བ་དང་།། དངོས་གྲུབ་གཟི་ཆེན་ཐོབ་པའི་ཕྱིར།། རང
221a2 རྟགས་གསལ་བའི་དབང་བསྐུར་རོ།། འདི་ནི་མ་མོ་རང་རྟགས་ཀྱི།། དབང་ཆེན་ལགས་སོ་དབང་གི་མཆོག། སྒྲོལ་མ་ཆེན་པོའི་བརྟུལ་ཤུགས་ཀྱིས།། བདུད་བཞི་ཟིལ་གྱིས་གནོན་པ་དང་། རྐྱེན་དབང་ཐབས་ཀྱིས
221a3 འདུལ་བ་དང་།། དེ་ཕྱིར་གསང་ཆེན་དཀྱིལ་འཁོར་རྒྱུད།། མན་ངག་བཅུད་ཀྱི་དོན་བསྟན་པ།། ཀུན་གྱི་ཐུན་མོང་མ་ལགས་ཏེ།། འདི་བསྟན་གཞན་ལ་བསྟན་གྱུར་ན།། ས་བོན་སད་ཀྱིས་གསད་པ་བཞིན་དུ
221a4 འགྱུར།། ས་བོན་མེས་ཚིག་བཞིན་དུ་འགྱུར།། སྣོད་ངན་ཞབས་སུ་ཟགས་པ་ན།། ནས་ངན་ཚིག་པ་བཞིན་དུ་འགྱུར།། དོན་འདི་གཞན་དུ་མི་སྤེལ་ཏེ།། རང་གི་སེམས་ལ་བཅངས་པ་ན།། དངོས་གྲུབ་ཉིད་ཀྱང་རྟག
221a5 ཏུ་ཐོབ།། མཐུ་དང་གཟི་མདངས་ཐམས་ཅད་འཕེལ།། དངོས་གྲུབ་ཐམས་ཅད་ཐོབ་པར་འགྱུར།། ཞེས་བཀའ་སྩལ་ཏོ།། མན་ངག་དབང་གི་ལེའུ་སྟེ་ཉེར་དགུ་པའོ།། །། གནོད་འདུལ་ལྷ་ཡིས་ཡང་གསོལ
221a6 པ།། མ་མོ་ངོས་གཟུང་ཇི་ལྟར་གཟུང་།། མངོན་རྫོགས་ཡབ་ཀྱིས་བཀའ་སྩལ་པ།། མ་མོ་ངོས་གཟུང་འདི་ལྟར་གཟུང་།། སེམས་ཉིད་མ་བཅོས་མུ་ཁ་ལེ།། སེམས་ལས་བསྐྱེད་པའི་མ་མོ་བཅུ་གསུམ་དང་།། དབྱིངས་ཀྱི
iiif viewer powered by OpenSeadragon
