| e-texts navigator |
| Wylie |
219b1 དཀོན།། མ་གཡེལ་མ་གཡེལ་སྲུང་མའི་ཚོགས།། གཡེལ་དུ་དོགས་ནས་རྫས་ལ་བརྟེན།། འདས་སུ་དོགས་ནས་འཛབ་ཏུ་འདྲེན།། ཇི་ལྟར་དངོས་གྲུབ་གཉེན་པོ་རུ།། དམར་གྱི་ཨརྒྷ་རྒྱ་མཚོར་བསྐྱིལ།། ཙིཏྟ་མང་པོ་རྫ
219b2 ལྟར་ལྷགས།། མཱཾ་ས་ཤ་ཆེན་ཕུང་པོར་སྤུངས།། ཇི་ལྟར་གསང་ཆེན་གཉེན་པོ་རུ།། རྫས་ཀྱི་མཆོད་པ་གཉེན་བཀྲམ་ཞིང་།། དམར་ཆེན་དམ་ལ་གསོལ་བ་ཡི།། དེ་ཚེ་ཁས་བླངས་དམ་བཅས་བཞིན།། བཅོལ་བའི་ལས
219b3 རྣམས་འགྲུབ་པར་མཛོད།། བུད་མེད་བུ་ལྟར་ངང་མ་ཐུང་།། ད་ཕྲུག་སྲིང་ལྟར་ཤེད་མ་ཆུང་།། དུས་ལ་བབ་བོ་ས་མ་ཡཱ།། མ་མ་བྷྱོ་བྷྱོ། མ་མོ་སྤྱི་བསྐུལ་གྱི་ལེའུ་སྟེ་ཉེར་བརྒྱད་པའོ།། །། གཡུང་དྲུང་ལྷ་ཡིས་ཡང
219b4 གསོལ་པ།། མ་མོ་གསང་ཆེན་དཀྱིལ་འཁོར་ལས།། སྒྲུབ་པའི་རྫས་ཀྱི་དབང་བསྐུར་བ།། བདག་གིས་ནན་ཏན་ཇི་ལྟར་བསྐྱེད།། རྫོགས་སངས་རྒྱས་ལ་བདག་ཉན་འཚལ།། དེ་སྐད་གསོལ་པ་གསན་ནས
219b5 ཀྱང་།། རྫོགས་སངས་རྒྱས་ཀྱི་བཀའ་སྩལ་པ།། ཉོན་ཅིག་གཡུང་དྲུང་ཡང་དག་པ།། བསྒྲུབ་པའི་ལས་ཀྱི་དབང་རྣམས་ནི། ངས་གསུངས་པ་ལ་ཐེ་ཚོམ་མེད།། ངས་གསུང་བ་ལ་ནན་ཏན་བསྐྱེད།། ཅེས་བཀའ་སྩལ་པ
219b6 དང་། གཡུང་དྲུང་ལྷ་ཡིས་ཡང་གསོལ་པ།། ཕྱི་དབང་ཆེན་པོ་བདག་ལ་སྩོལ།། ནང་དབང་ཆེན་པོ་བདག་ལ་སྩོལ།། གསང་དབང་ཆེན་པོ་བདག་ལ་སྩོལ།། སྤྱི་དབང་ཆེན་པོ་བདག་ལ་སྩོལ།། དེ་སྐད་ཞུས་པ་གསན
iiif viewer powered by OpenSeadragon
