| e-texts navigator |
| Wylie |
218b1 པོ་རྣམས་གུས་པས་ཡི་རངས་ཏེ། ཐར་པའི་བདེ་བ་ཡང་ཐོབ་སྟེ། ཨོཾ་ལ་ལའི་སྒྲ་བྱུང་ནས། རིག་འཛིན་གྱི་དམ་ཅན་དུ་གྱུར་ཏོ།། ཧེ་རུ་ཀའི་ཞལ་ནས་དམོད་ཙུག་པའི་ལེའུ་སྟེ་ཉེར་དྲུག་པའོ།། །། ཆོ་ག་རྫོགས
218b2 ལུང་ཆེན་པོ་འདི།། གང་གིས་རྙེད་པ་དངོས་གྲུབ་སྟེ། དམ་ཚིག་གཙང་མ་སྐྱེ་བར་འགྱུར།། སྲིད་པའི་གསང་བའི་རྫོགས་ལུང་འདི།། འགྲོ་བའི་དོན་ལ་དགའ་བ་དང་།། ཐེག་པ་ཆེན་པོ་གཙོར་ལེན་ཅིང་།། རྡོ་རྗེ་སློབ
218b3 དཔོན་མཆོད་བྱེད་པ།། ལུ་གུ་རྒྱུད་ལ་གཙོར་སྡོམ་པའི།། སྐལ་ལྡན་དེ་དང་འཕྲད་པར་ཤོག། གྷུ་ཡ་གསང་བའི་དབང་ཕྱུག་ཆེན་པོ། སློབ་དཔོན་རྡོ་རྗེ་སེམས་དཔའི་ཞལ་དང་འདྲ་བའི་ཤྲཱི་ཛྙཱ་ནས་བསྒྲུབས་པས་འདི
218b4 འགྲུབ་པར་འགྱུར་སྟེ་དངོས་གྲུབ་ཆེན་པོ་ཐོབ་སྟེ། སྲིད་པའི་དམ་ཅན་ཐམས་ཅད་བྲན་བཞིན་དུ་ཉན་ཏེ། ཅི་བྱ་བ་བསམ་པ་འགྲུབ་པ་ལས། གསང་བའི་སློབ་དཔོན་ཡེ་ཤེས་སྤྱན་དང་ལྡན་པ་ཀུན་ཀྱང་འདིར་འགྲུབ
218b5 པར་འགྱུར། ཞེས་སློབ་དཔོན་རོ་ལངས་དེ་བས་གསལ་བར་བཤད་དོ།། རྫོགས་ལུང་ཆེན་པོའི་ལེའུ་སྟེ་ཉེར་བདུན་པའོ།། །། གནོད་འདུལ་ལྷ་ཡིས་ཡང་གསོལ་པ།། མ་མོའི་སྤྱི་བསྐུལ་ཇི་ལྟར་མཆིས།། ཡང་དག
218b6 རྫོགས་ཀྱིས་བཀའ་སྩལ་པ།། མ་མོ་སྤྱི་བསྐུལ་འདི་ལྟར་བསྐུལ།། ཧཱུཾ་བསམ་འཕེལ་ནོར་བུ་རིན་པོ་ཆེ།། མ་བཞག་དེ་ནི་འདོད་དགུར་སྤེལ། ནང་གི་རིན་ཆེན་སྣ་ལྔ་ལ།། ཕྱི་ཡི་ལུའུ་རྐང་འགྲོས་དང་། མཆོད་རྫས་འབྲུ།
iiif viewer powered by OpenSeadragon
