| e-texts navigator |
| Wylie |
218a1 གསུངས་པ་ཡི་རྒྱུད་ལུང་ལ།། གང་གིས་སྐུར་པ་འདེབས་པ་དེ།། དམ་སྲི་དམར་པོར་ངེས་པར་སྐྱེད།། དམ་ཅན་ཀུན་གྱིས་སྡིག་མཐོང་ནས།། ཚེ་འདི་ཉིད་ལ་སྒྲོ་འབོག་ཅིང་།། དུས་མིན་འཆི་བར་སྲོག
218a2 ཟད་ངེས།། ངས་གསུང་པ་ཡི་ལུང་འདི་ལ།། དོན་མེད་ཕྱལ་བར་སྒྲོགས་པ་དེ།། ཐར་པའི་དུས་མེད་འོ་དོད་འབོད།། སླན་ཆད་སྡོམ་ཞེས་སྨྲ་བར་བྱེད།། ངས་གསུངས་པ་ཡི་རྒྱུད་ལུང་ལ།། མི་ཉན་པ་ཡི་སེམས་ཅན
218a3 དེ།། གཤིན་རྗེའི་ཞགས་པས་བཟུང་ནས་ཀྱང་།། དེས་ཀྱང་ཉེས་དམིགས་ཁྲམ་ལ་བཏབ་ནས་སུ།། ལྷ་གཟུགས་ཐམས་ཅད་འདྲལ་བར་ངེས།། ངས་གསུང་པ་ཡི་རྒྱུད་ལུང་ལ།། སྐྱེ་བོ་གང་ཞིག་དད་མོས་པ།། འཇིག
218a4 རྟེན་འདི་ཡི་ཡོན་ཏན་ཡང་།། ནོར་བུ་རིན་ཆེན་འབར་བ་ལྟར།། ཐར་པ་བདེ་བའི་འབྲས་བུ་ཡིན།། རིག་འཛིན་ས་ནོན་གདོན་མི་ཟ།། སྐྱེ་འགག་མེད་པའི་དངོས་གྲུབ་ཀྱིས།། མི་འགྱུར་རྡོ་རྗེའི་དངོས་གྲུབ་ཐོབ།། ངས
218a5 གསུང་པ་ལ་ཐེ་ཚོམ་མེད། དེ་སྐད་ཅེས་བཀའ་སྩལ་པ་དང་། རྡོ་རྗེ་སེམས་དཔའ་ལ་སོགས་ཏེ་རིགས་ལྔའི་སངས་རྒྱས་དང་སྲིད་པའི་ཕྲ་མེན་རྒྱ་མཚོ་ལ་སོགས་ཏེ་མ་མོ་སྟོང་གི་ཚོགས་དང་། ལྷ་ཆེན་པོ་གནོད་འདུལ་ལ
218a6 སོགས་པ་གཡུང་དྲུང་ལྷའི་རིགས་མང་པོ་དང་། རྡོ་རྗེ་གཞོན་ནུ་མ་ལ་སོགས་ཏེ་རིག་འཛིན་གྱི་བུད་མེད་མང་པོ་དང་། ཧེ་རུ་ཀ་སྣི་ལ་སོགས་སྟེ་འཇིག་རྟེན་གྱི་དབང་མོ་ཆེ་མང་པོ་དང་། འཇིག་རྟེན་གྱི་དབང་ཆེན་མང
iiif viewer powered by OpenSeadragon
