| e-texts navigator |
| Wylie |
216a1 རྣལ་འབྱོར་དགུ་རྦད་པ།། གཉིས་ལ་ཆགས་འཛིན་སྤུན་གཉིས་བྲི།། མདུན་ལ་མ་བདུན་སྔགས་བྲིས་ཏེ།། དྲག་པོའི་ཁ་རན་འཁོར་བར་བྲི།། དབང་དང་དྲག་པོར་ལྡན་པར་བྱ།། ལྕགས་ཟངས་ཤིང་བུ
216a2 གང་ཡང་རུང་།། དབང་དྲག་ཕུར་པ་དགུ་པོ་ལ།། མགོ་ལ་མཁའ་འགྲོ་ལྔ་ལྔ་བསམ།། ངོས་ལ་རྣལ་འབྱོར་བཅུ་བཞི་བསྒོམ།། སྐེད་པར་ཆགས་འཛིན་ལ་སོགས་བསམ།། རྩེ་མོར་མ་བདུན་བསམ་ནས་སུ།། དམིགས
216a3 པའི་དངོས་པོ་གང་ཡང་རུང་།། དཀར་ནག་དཀྱིལ་དུ་རྒྱབ་ནས་སུ།། དགེ་སྡིག་ལས་ཀྱི་མཚམས་ཕྱེ་ནས།། དྭངས་མའི་དངོས་པོ་ཐམས་ཅད་ཀུན།། རྔུབས་ནས་མ་མོས་ཟོས་པར་བསམ།། དེ་ལྟར་བརྒྱབ་ན་ལྷ་ཡང
216a4 འཆི།། དངོས་པོ་བདག་ཉིད་བསྒོམ་བྱ་བ།། ཕྲ་མེན་རྒྱ་མཚོ་ཉིད་ཀྱི་སྐུ།། དབང་དྲག་སྐུ་མདོག་ཆེན་མོ་ལ།། དབུ་གཅིག་ཞལ་ལྔ་འཇིགས་པའི་སྐུ།། དབུ་ལ་མཁའ་འགྲོ་ལྔ་བསྒོམས་ཤིང་།། མཆེ་བ་ཅན་ལ་གཙིགས
216a5 ཞིང་བཞད།། མ་མོ་ཐམས་ཅད་དབྱིངས་ནས་འགྱེད།། ཕྱག་ན་དབང་དྲག་ཕུར་པ་འགྱེད།། འདྲེན་དང་མནན་དང་སྦར་བ་ཡི།། སྔགས་རྣམས་དྲག་ཏུ་བཟླས་ནས་སུ།། རྣལ་འབྱོར་མ་རྣམས་རྦད་ནས་སུ།། གང་ལ་བྱ
216a6 བའི་དངོས་པོ་དེ།། དབང་དྲག་དཀྱིལ་དུ་བཟུང་ནས་ནི།། རྣམ་ཤེས་དབྱིངས་སུ་བསྡུས་པ་དང་།། དགེ་སྡིག་ལག། ལས། རྣམས་སྦྱངས་ནས་སུ།། ལྷ་གཟུགས་ཕྲལ་ཏེ་ཟོས་བསམས་ནས།། རྡོ་རྗེའི་བྲག་ཀྱང
iiif viewer powered by OpenSeadragon
