| e-texts navigator |
| Wylie |
215b1 ཚུར་སྤྱོན།། མཐུ་ཆེན་དམ་ཅན་ད་ཚུར་སྤྱོན།། ངས་གསུང་པ་ལ་ཐེ་ཚོམ་མེད།། ཞེས་ལས་ལ་བསྐུལ་བ་ཁུག་པར་བྱའོ།། ཕོ་ཉ་ཆེན་པོའི་ལེའུ་སྟེ་ཉེར་བཞི་པའོ།། །། གནོད་འདུལ་ལྷ་ཡིས་ཡང་གསོལ
215b2 པ།། བསྟན་པ་གཉེན་པོ་འཇིག་བྱེད་པའི།། ལུ་གུ་རྒྱུད་ལས་འགལ་བྱེད་དང་།། སེམས་ཅན་ཀུན་ལ་གནོད་བྱེད་དང་།། རྟག་ཏུ་གདུག་སེམས་གྱུར་པ་ལ།། ནན་ཏན་ལས་རྣམས་ཇི་ལྟར་འཚལ།། རྫོགས་སངས་རྒྱས
215b3 ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། ངོ་མཚར་ལྷ་ཡིས་བཀའ་སྩལ་པ།། རྟག་ཏུ་གདུག་པའི་སེམས་གྱུར་ཏེ།། སེམས་ཅན་ཀུན་ལ་གནོད་པ་ལ།། ནན་ཏུར་ལས་རྣམས་ངས་བསྟན་གྱི།། ཉོན
215b4 ཅིག་གཡུང་དྲུང་ཡང་དག་པ།། ཇི་ལྟར་ཡིད་མཐད་གནས་སུ་ནི།། དཀྱིལ་འཁོར་ཚད་དང་ལྡན་པར་བྱ།། དབང་གི་དཀྱིལ་འཁོར་ཁ་སྤྲོད་པ།། དབུས་སུ་ཀུན་ཏུ་བཟང་མོ་མཁའ།། འཛུབ་གསུམ་པ་ལས་དྲང་པོར
215b5 བྲི།། ཟེ་བ་སོར་བཞི་ཆ་སྙོམས་པ།། དགུག་དང་སྦར་འཕང་སྔགས་ཀྱིས་འགེངས།། དབང་གི་དཀྱིལ་འཁོར་ཁ་རན་ལ།། གནོད་དང་འཕང་བའི་སྔགས་ཀྱིས་བསྐོར།། དེ་ནས་ཁ་རན་གྲུ་བཞི་ལ།། སོར་ལྔ་པ་ཡི་ཚད
215b6 དུ་བྱའོ།། རྡོ་རྗེ་པདྨ་སྤེལ་མར་བྲི།། དེ་ནས་མཎྜལ་རྒྱས་པ་ལ།། འོད་ཕུང་ཐོད་པའི་ཕྲེང་བས་བརྒྱན།། སྒོ་བཞི་མདའ་བཞིས་བརྒྱན་པར་བྱ།། དེ་ནས་རྫས་ཀྱི་ངོ་བོ་ཡང་།། རྒྱུ་ཡི་གཙོ་བོ་དགུ་བསོགས་ཏེ།། གྲུབ་པའི
iiif viewer powered by OpenSeadragon
