| e-texts navigator |
| Wylie |
213b1 བདག་ནི་གླུད་ལ་གཤེགས།། སེ་བཙན་རོལ་པོ་རྒྱ་རོལ་པོ།། བཙན་གྱི་རྒྱལ་པོའི་མིང་ནས་ཕྱུང་།། མདོས་བདག་ཆེན་པོ་མདོས་ལ་གཤེགས།། གླུད་བདག་ཆེན་པོ་གླུད་ལ་གཤེགས།། བཙན་ལ་རོལ་པ་དེ་བཞིན
213b2 ནོ།། ད་ནི་མ་ཧཱ་ཤཱནྟི་གི་ཆོ་ག་བཤད་དེ། གསང་ཕྱེ་གཙང་མཁལ་ཕྱེད་ལ།། ཇི་ལྟར་འདོད་པའི་གཟུགས་བཤམས་ལ།། དཀོར་ཆ་སྤྱན་གཟིགས་ཡང་དག་ལྡན།། དེ་ནི་ཕྱི་རྒྱུད་ཤཱནྟི་ངོ་།། དེ་ལ་འཇིག་རྟེན་ཤས་བསྐོས
213b3 ཏེ།། དམར་གཏོར་དམ་རྫས་ལྡན་པ་ནི།། ཤཱནྟི་ནང་གི་ཆོ་གའོ།། གཉན་པའི་ས་ནི་དབེན་པ་རུ།། གྲུ་བཞི་སྤོས་ཆུའི་མཎྜལ་བྱ།། ཟས་ཀྱི་སྟེགས་བུ་གང་བར་བྱ།། ལས་དང་ཕན་ཡོན་གོང་མ་བཞིན།། བསྔོས་ཏེ་དར་སྒྲ
213b4 བཤུས་ཏེ་བཞག། ཕྱི་རྒྱུད་མཐུན་དེ་དཀར་པོ་ཡིན།། གསང་བ་མཐུན་དེ་གཉིས་ཀ་འདྲ།། འདི་བརྩམས་བསམ་པ་མ་འགྲུབ་ན།། འཇིག་རྟེན་དབང་ཆེན་ཕུང་བར་འགྱུར། ལས་རྣམས་ཀུན་གྱིས་རྣག་པ་སྟེ།། ཆོ་ག
213b5 ལུང་ཆེན་རྫོགས་པ་འདི།། ངས་གསུངས་པ་ལ་ཐེ་ཚོམ་མེད།། དེ་སྐད་ཅེས་ནི་བཀའ་སྩལ་པས།། འཇིག་རྟེན་དབང་ཆེན་མངོན་པར་དགའ།། ལྷ་རྣམས་ཐམས་ཅད་མཐུ་སྐྱེས་ནས།། སེམས་ཅན་ཀུན་ལ་ཕན་པ
213b6 སྒྲུབ།། དམ་ཚིག་མཐའ་ནི་དེ་བཞིན་གནས།། མདོས་ཀྱི་ཕན་ཡོན་གྱི་ལེའུ་སྟེ་ཉེར་གསུམ་པའོ།། །། གནོད་འདུལ་ལྷ་ཡིས་ཡང་གསོལ་པ།། འགུགས་དང་འདྲེན་པའི་ལས་རྣམས་ནི།། ཕོ་ཉའི་ལས་རྣམས
iiif viewer powered by OpenSeadragon
