| e-texts navigator |
| Wylie |
210b1 ལྷོ་ཡི་བདག་མོ་སྟེ།། ནག་མོ་ཆེན་མོ་མཆེ་བ་ཅན།། འཁོར་ནི་ནག་མོ་འབུམ་སྡེར་བཅས།། བསྐང་ངོ་བསྐལ་པའི་ཐུགས་དམ་སྐོང་།། སྲིད་པ་ནུབ་གྱི་བདག་མོ་སྟེ།། དམར་མོ་ཆེན་མོ་དབང་བསྒྱུར་མ།། ནུབ་གྱི་དམར
210b2 མོ་འབུམ་སྡེར་བཅས།། ཐུགས་དམ་གཉེན་པོ་བདག་བསྐོང་གིས།། བཅོལ་པའི་ལས་རྣམས་གྲུབ་པར་མཛོད།། སྲིད་པ་བྱང་གི་བདག་མོ་སྟེ།། སེར་མོ་ཆེན་མོ་ལས་ཀྱི་གཙོ།། བྱང་ཕྱོགས་སེར་མོ་འབུམ་སྡེར
210b3 བཅས།། ཐུགས་དམ་གཉེན་པོ་བདག་སྐོང་གིས།། བཅོལ་པའི་ལས་རྣམས་གྲུབ་པར་མཛོད།། དེ་ཡན་ཆད་ནི་མ་མོ་བཅུ་བཞིའི་སྐོང་ཐབས་སོ།། ད་ནི་ཁོལ་མོ་རྣམས་ཤ་ཁྲག་དམར་དང་བསྲེས་པ་ཨ་མྲྀ་ཏས་བསྐང་སྟེ།།
210b4 སྲིད་པ་ཀུན་གྱི་ཁྱིམ་བདག་མོ།། ཧེ་རུ་ཀས་ནི་ཐུགས་དམ་བསྐང་།། ཧར་ཏིང་དཀར་མོའི་ཐུགས་དམ་བསྐང་།། དུན་ཏིང་ནག་མོའི་ཐུགས་དམ་བསྐང་།། ཤཱནྟི་དམར་མོའི་ཐུགས་དམ་བསྐང་།། གྲུབ་ཏིང་སེར
210b5 མོའི་ཐུགས་དམ་བསྐང་།། སྲིད་པའི་གྲུ་འདེགས་ཆེན་མོ་ཡིས།། བཅོལ་པའི་ལས་རྣམས་གྲུབ་པར་མཛོད།། དམག་གི་རྒྱལ་མོ་ཆེན་མོ་བཞི།། དཀར་མོ་ཆེན་མོ་མིག་གཅིག་མ།། ནག་མོ་ཆེན་མོ་ཁ་རླན་མ།། དམར་མོ
210b6 ཆེན་མོ་མཆུ་འཇིབ་མ།། སེར་མོ་ཆེན་མོ་རྐང་ལྡག་མ།། རིགས་བཞི་དམག་དཔུང་འཁོར་གྱིས་བསྐོར།། ཐུགས་དམ་གཉེན་པོ་བདག་གིས་བསྐང་།། བཅོལ་པའི་ལས་རྣམས་གྲུབ་པར་མཛོད།། ཨེ་ཀ་ཙ་ཏི་དཔལ་གྱི
iiif viewer powered by OpenSeadragon
