| e-texts navigator |
| Wylie |
204a1 ཚོགས་ཀྱིས་མཆོད་པ་ཡིས།། ཐུགས་རྗེའི་དབྱིངས་ལ་རོལ་པར་མཛོད།། ཅེས་བསྟོད་པ་ལ་སོགས་པ། དཔལ་གྱི་འཁོར་ཚོགས་རྒྱུད་བཤམས་ཀྱི་ལུགས་བཞིན་དུ་བཤམས་པར་བགྱི།། ཕྲིན་ལས
204a2 བཅོལ། དེ་ནས་མ་མོ་སྲོག་གི་སྙིང་པོ་ནས་ཀུན་བསྡུ་སྟེ། ཨ་མྲྀ་ཏས་བདེན་པ་བདར། བདག་ཉིད་ཆེ་བའི་ང་རྒྱལ་འདི་སྐད་བསྐྱེད་དོ།། ང་ནི་ཁྲག་འཐུང་ཀུན་གྱི་རྗེ། ཁམས་གསུམ་སྙིང་ཁྲག་དྲངས་མའི་བདག། ང་ནི
204a3 སྐྱེ་འགྲོ་དབུགས་ཀྱི་བདག། ང་ནི་རུས་འཆའ་ཆེན་པོ་སྟེ། ཁམས་གསུམ་ཀེང་རུས་དུར་ཁྲོད་བདག། ང་ནི་ཤ་ཟ་ཆེན་པོ་སྟེ། ཁམས་གསུམ་དྭངས་མ་ཀུན་གྱི་བདག། ང་ནི་སྐྱེ་འགྲོ་དབུགས་ཀྱི་བདག། མ་མོ་ཀུན་གྱི་རེ།
204a4 གནས་ཡིན།། མ་ཚོགས་སྐོང་བཟློག་གཏོར་མ་ལོང་།། ཚེ་དང་བསོད་ནམས་དར་བར་འཚལ།། ཕོག་རྒོད་དུད་པ་བཏང་ནས་ཀྱང་།། གཏོར་མ་བསྔོ་བ་འདི་སྐད་དོ།། ཧཱུཾ། མ་ཚོགས་ནི་གཉེན་མཆོད་ཕྱིར།། འབྲུ་སྣ་ནི
204a5 མང་པོ་དང་།། རིན་ཆེན་ནི་སྣ་ཚོགས་པས།། གླིང་བཞི་ནི་གཏོར་མ་ལ།། སྲོག་ཆགས་ནི་མང་པོས་བསྐོར།། ཀུན་ཀྱང་ནི་རིན་པོ་ཆེ།། རྒྱན་དང་ནི་ཆ་ལུགས་ཏེ།། འཇིག་རྟེན་ནི་ཟས་ཀྱིས་བསྐོར།། དཀོན་པ་ནི་རྫས
204a6 ཀྱིས་བསྐོར།། མུ་མེན་ནི་སྟེགས་བུ་ལ།། རིན་ཆེན་ནི་བཅལ་བཀྲམ་སྟེ།། བྱེ་རུ་ཡིས་སྐས་བཙུགས་ཏེ།། སྤོས་ཀྱི་ནི་ས་བཞི་ལ།། དབང་གི་ནི་དཀྱིལ་འཁོར་བཀོད།། དར་དཀར་ནི་ཡོལ་བྲིས་ཏེ། གསལ་བའི་ནི་མེ
iiif viewer powered by OpenSeadragon
