| e-texts navigator |
| Wylie |
200a1 དབུལ་ཏེ། ལས་ཀྱང་ཚུལ་བཞིན་དུ་བྱེད་དོ།། བསྒྲུབ་པ་ལ་འཇུག་པའི་ཚུལ་ནི་གོང་མ་དང་འདྲའོ།། འདི་ནི་ཐུགས་ཀྱི་དགྱེས་སྡེ་མོ་གསང་བའི་ཡང་བྱི་མོ་བཞིའི་སྒྲུབ་ཐབས་སོ།། འདི་ཡན་ཆད་ཀྱི་མ་མོ
200a2 སྒྲུབ་ན། ཚེ་འདིའི་ཡོན་ཏན་ལྟ་ཅི་སྨོས། ཕུང་པོ་འཇིག་པའི་དུས་སུ་ཡང་གླུ་དབྱངས་དང་རོལ་མོ་ལ་སོགས་པ་འོད་དང་རྟགས་བཟང་པོ་དང་། ནམ་མཁའ་ལ་སྒྲ་འོང་བ་དང་། རོལ་མོ་དང་། སིལ་སྙན་ལ་སོགས་པས
200a3 བསུས་ནས། བདེ་བ་ཅན་གྱི་ཞིང་ཁམས་སུ་སྒྲུབ་མི་དགོས་པར་དཀྱིལ་འཁོར་དང་འོག་མིན་དུ་སྐྱེ་བའོ།། འདི་ཡན་ཆད་ཀྱིས་མ་མོ་གྲུབ་ན། མ་མོ་འོག་མ་ཐམས་ཅད་རང་བཞིན་གྱིས་འདུ་བ་དང་། ལྷག་པར་ཡང
200a4 སྒྲུབ་མི་དགོས་སོ།། འདི་ནི་མ་མོའི་གཙོ་མོ་རྣམས་ཀྱི་སྒྲུབ་ཐབས་ཀྱི་ལེའུ་སྟེ་བཅུ་བདུན་པའོ།། །། དེ་ནས་མ་མོ་བདུན་བསྒྲུབ་པར་འདོད་ན། གནས་དུར་ཁྲོད་དུ་སོང་ལ། ཡུམ་རྡོ་རྗེ་རིགས་ཀྱི་མཚན་དང་ལྡན་པ
200a5 གསུམ། དབང་གི་སློབ་དཔོན་གཉིས་ཀྱིས་བསྒྲུབ་སྟེ། བྷནྡ་མཚན་དང་ལྡན་པ་བདུན་ནམ་གསུམ་དུ་བདུད་རྩི་རྣམ་པ་ལྔ་མ་བསྒྲུབས་པའི་རློན་པ་བསྩལ། གསུམ་དུ་འཇིག་རྟེན་པའི་སྨན་སྣ་ཚོགས་སྩལ། གཅིག་ཏུ
200a6 བྱང་ཆུབ་སེམས་དང་རཀྟའི་ཉི་ཚེ་སྩལ། བྷནྡྷ་རིན་པོ་ཆེ་མཚན་ལྡན་གྱི་ནང་དུ་བདུད་རྩི་ཨ་མྲྀ་ཏ་བསྩལ། ཤེལ་ལྡིང་ནག་གསུམ། ཤེལ་དཀར་པོ་གཅིག་ཙ་ར་ནག་པོ་གཅིག་ཀུ་ཀུ་ར་ཙ་དཀར་པོ་གཅིག་ནམ་མཁའ
iiif viewer powered by OpenSeadragon
