| e-texts navigator |
| Wylie |
199a1 བཞིའི་ནུབ་ཕྱོགས་ན།། དམར་མོ་ཆེན་མོ་དབང་བསྐུར་མ།། ན་བཟའ་རཀྟའི་གོ་ཟུ་ལ།། སྦྲུལ་ནག་འཁྲིལ་བའི་ཆུན་འཕྱང་ཅན།། པདྨ་རཀྟའི་ལན་ཕྲན་ལ།། མཆེ་བ་དམར་པོ་གཙིགས་པ་ཡིས།། ནུབ
199a2 ཕྱོགས་སྲིད་གསུམ་ཕུར་འདེབས་མ།། མི་ཁྲག་རློན་པའི་ཐོད་གདེངས་ཅན།། རཀྟའི་ལན་ཕྲན་གསིགས་པ་ཡིས།། སྟེང་དུ་ཚངས་པ་ཆེན་པོ་འཆིང་།། བར་དུ་འཆི་བདག་ཕུང་བར་བྱེད།། འོག་གི་ཡི་དྭགས་སྟོངས་པར
199a3 བྱེད།། མ་གཡེལ་ཐུགས་རྗེ་གསང་བའི་གཟུངས།། ཧཱུཾ། རི་རབ་གླིང་བཞིའི་བྱང་ཕྱོགས་ནས།། སེར་མོ་ཆེན་མོ་ལས་མཁན་མོ།། མཛེས་པའི་ན་བཟའ་ཆེན་པོ་ནི།། མཱཾ་ས་ཆེན་པོའི་ཐུལ་པ་ཅན།། དྲི་ཆུ་ཁོལ་བའི་ཡ
199a4 བས་བསྐོར།། ལན་ཕྲན་དྲི་ཆུ་འབར་བ་འབྱུང་།། གསེར་གྱི་མཆེ་བ་གཙིགས་པ་ཡིས།། བྱང་ཕྱོགས་སྲིད་གསུམ་ཕུར་འདེབས་མ།། མཱཾ་ས་སྤུངས་པའི་ཐོད་གདེངས་ཅན།། དྲི་ཆུའི་ལན་ཕྲན་གཙིགས་པ་ཡིས།། སྟེང་དུ
199a5 ཚོགས་ཀྱི་བདག་པོ་འཆིང་།། བར་དུ་གནོད་སྦྱིན་ཕུང་བར་བྱེད།། འོག་ཏུ་བགེགས་རིགས་སྟོངས་པར་བྱེད།། མ་གཡེལ་ཐུགས་རྗེ་གསང་བའི་གཟུངས།། ཧཱུཾ། གླིང་བཞི་གསང་བའི་གཟུངས་གཅིག་མ།། བདུད་རྩི
199a6 རྣམ་ལྔ་དབུ་ལ་རྫོགས།། གཡས་ན་གཡང་གཞི་རུ་མཚོན་གྱིས།། ཐམས་ཅད་གནས་ཕྱག་ཆེན་པོས་འདེབས།། མུ་སྟེགས་ནག་པོའི་སྙིང་འབྱིན་མ།། གཡོན་ན་བྷནྡྷ་ཁྲག་འཛག་པས།། བུད་མེད་ཐམས་ཅད་དབང་དུ
iiif viewer powered by OpenSeadragon
