| e-texts navigator |
| Wylie |
198a1 ཉའི་བར་དུ་བསྒྲུབས། བསྒྲུབ་པའི་ཡོ་བྱད་དུ་འཚལ་བ། དཀར་མོ་མིག་གཅིག་མའི་བྷནྡ་ནི། ཟླུམ་ལ་པདྨ་ཆགས་པ། འཇམ་པོ་རི་མོ་ཉུང་བ་སྟེ། གཙུག་ཏུ་བུ་གུ་འབྱུང་བ་ནི། དཀར་མོ་ཆེན་མོའི་ཕྱག
198a2 ན་བསྣམས།། ལྗོན་རིང་ལྕང་ལོས་རབ་ཏུ་བརྒྱན།། ལྗོན་ཤིང་ལྟ་བུའི་རྩེ་མོ་ཡོད་པ་ནི།། ནག་མོ་ཆེན་མོའི་ཕྱག་ན་བསྣམས།། པདྨ་འདམ་བརྒྱད་རྩར་བྲིས་ལ།། ཨ་དཀར་གཙུག་ན་ཡོད་པ་ནི།། དམར་མོ་དབང་སྡུད
198a3 ཕྱག་ན་བསྣམས།། ལྗོན་ཤིང་དུམ་བུ་གཉིས་འདུག་པ། རྡོ་རྗེ་རྒྱ་གྲམ་རྩར་འདུག་པ།། སེར་མོ་ལས་མཁན་ཕྱག་ན་བསྣམས།། གཙུག་སྦུབས་ནང་དུ་རུབས་པ་ལས།། རྩ་རྣམས་གཙུག་ཏུ་བཅིང་པ་ལས།། ཧཱུཾ་ཆེན་དགུ
198a4 ནི་འབར་བ་སྟེ།། དཔལ་ཆེན་ཉིད་ཀྱི་ཕྱག་ན་བསྣམས།། ཞེས་འབྱུང་སྟེ། བྷནྡྷ་དེ་ལྔ་ཡང་དག་ལྡན།། ཤེས་རྒྱུ་བཞི་ཡང་ཡང་དག་བསོགས།། སྙན་པོ་ཆས་སུ་སྩལ་བ་དང་།། གཞན་ཡང་དམ་རྫས་སྣ་ཚོགས་པ།། སྐྲག
198a5 པ་ཆེན་པོ་གཙོ་བོ་ལ།། ཞྭ་དཀར་པོ་ཡང་དབུར་བརྒྱན་ནོ།། འཇིག་རྟེན་གཟུངས་བཞིའི་རིགས་བསྟན་པ།། ཤ་མདོག་དཀར་ལ་མདངས་བཟང་བ།། སོ་ཐགས་བཟང་ལ་མིག་དཀྱུས་རིང་།། དཀར་མོ་མིག་གཅིག
198a6 ཚུལ་དུ་སྣང་།། བརྩོན་འགྲུས་ཅན་ལ་དྲག་ཤུལ་ཆེ།། རལ་པ་ཅན་ལ་ཧ་རི་མིག། ནག་མོ་རལ་ཅན་ཚུལ་དུ་སྣང་།། ཤ་མདོག་དཀར་ལ་མདངས་སྡུག་པ།། སྨྲས་ན་སྙན་ལ་འགྲོ་ན་ལྡེམ།། དམར་མོ་དབང་སྡུད་ཚུལ་དུ
iiif viewer powered by OpenSeadragon
