| e-texts navigator |
| Wylie |
197a1 པར་སྦྱོར།། ཧཱུཾ། ཆེ་ཞེ་ཁྲོས་པའི་དབང་མོ་ཆེ།། སྐུ་མདོག་ལྗང་གུ་བསྒྱིངས་པ་ལ།། རྡོ་རྗེ་དྲིལ་བུའི་རལ་པ་ཅན།། སྤྱན་གསུམ་མཆེ་བ་རྒྱ་གྲམ་གཏམས། ཁ་ཊྭཱཾ་གཡབ་མོས་མུ་སྟེགས་སྒྲོལ།། རྡོ་རྗེ་གའུར
197a2 གནས་རིས་འཆའ།། གྲུབ་པའི་སྦྱོར་བས་འཇིག་རྟེན་འཁྱུད།། སྦྱོར་བའི་མདངས་ཀྱིས་ཀུན་ལ་ཁྱབ།། ཡུམ་ལ་ཁྲོ་ཞིང་སེམས་ཅན་སྐྱོང་།། བདག་དང་གཉིས་སུ་མེད་པར་སྦྱོར།། ཞེས་པས་བསྐུལ་བ་ནི། ཁྲོས་པའི
197a3 དབང་མོ་ཆེ་བཞི་སྟེ། དྲུག་པ་ལ་ཞུགས་པའི་ནུབ་མོ་རྒྱུ་གཅིག་བསྒྲལ། ཞག་བདུན་ན་གཅིག་བསྒྲལ། ཞག་དགུ་ན་གཅིག་བསྒྲལ། བཅུ་གསུམ་ན་གཅིག་བསྒྲལ། གཅིག་གི་ནུབ་མོ་གསང་བའི་ཡུམ་དུ་དམ་བཅའ།།
197a4 གསུམ་གྱི་ནུབ་མོ་སྒྲ་ཆེན་པོ་འབྱུང་ཞིང་མེ་ཆེན་པོ་འབར་རོ།། བདུན་གྱི་ནུབ་མོ་ནམ་མཁའ་ལ་སྣ་ཚོགས་པའི་རོལ་པས་ཐིབས་སེ་འབྱུང་ངོ་།། དེ་ལྟ་བུ་དག་བྱུང་བ་དང་། བདག་དཔལ་ཆེན་པོ་དབུ་དགུ་ཕྱག་བཅོ
197a5 བརྒྱད་པ། ཞབས་བརྒྱད་མ་ཧཱ་དེ་ཝ་བརྫིས་པ་ཕྱག་ན་མཚོན་ཆ་སྣ་ཚོགས་པ་བསྣམས་པ། ཞིང་གི་ན་བཟའ་རློན་པ་དང་སྦྲུལ་ནག་གི་ཆུན་པོ་དང་། ཐོད་པས་བརྒྱན་པ་གསལ་བའི་དབང་གིས་ངང་ལ་བསྙེན་པ་བྱ།
197a6 གཉིས་སུ་མེད་པའི་སྦྱོར་བ་དབུལ།། དགུ་ལ་མངོན་དུ་འབྱུང་བ་དང་། བདག་ཉིད་དཔའ་བོ་སྒེག་པའི་ཏིང་ངེ་འཛིན་དུ་གསལ་བ་དང་། འཛུམ་པའི་མདངས་ཀྱིས་པདྨ་དབང་དུ་བསྡུས་ལ། དེ་ནས་ལྷ་མོ་ཆགས་སེམས
iiif viewer powered by OpenSeadragon
