| e-texts navigator |
| Wylie |
191a1 གྱིས་བསྐོར།། སྲིད་པ་ནུབ་ལ་མངའ་མཛད་མ།། འདིར་སྤྱོན་དམ་སྐོང་ཕྲིན་ལས་མཛོད།། ཧཱུཾ། རི་རབ་གླིང་བཞིའི་བྱང་ཕྱོགས་ནས།། བྱང་གི་སེར་མོ་ལས་མཁན་མོ།། ན་བཟའ་རྨ་བྱའི་ཐུལ་བ
191a2 ལ།། མཐིང་གི་གོ་ཅོག་ཡ་བ་བསྐོར།། གསེར་གྱི་ལེན་ཚར་མཆེ་བ་ཅན།། ཐོད་སྐམ་འབར་བའི་ཐོད་གདེངས་ཅན།། ལྗང་ནག་སྒེག་མ་འབུམ་གྱིས་བསྐོར།། འདིར་སྤྱོན་དམ་སྐོང་ཕྲིན་ལས་མཛོད།། གླིང་བཞིའི་རྒྱལ
191a3 མོ་གསང་བའི་གཟུངས།། ཐུ་བ་གཡས་པ་དམག་གིས་བཀང་།། རྣལ་འབྱོར་ཀུན་གྱི་དགྲ་འདུལ་མ།། ཐུ་བ་གཡོན་པ་རིན་པོ་ཆེ།། སྒྲུབ་པ་པོ་ལ་རྟགས་འབྱིན་མ།། གཡས་ཀྱི་ཕྱག་ན་གཡང་གཞི་རྡེབས། ཁམས
191a4 གསུམ་རྡུལ་དུ་བརླགས་ནས་སུ།། གཡོན་པ་བྷནྡ་ཐོད་པས་བསྐོར།། མ་མོ་ཐམས་ཅད་དབང་དུ་སྡུད།། རལ་པ་ཅན་གྱི་འཁོར་སྐྱོང་མ།། འདིར་སྤྱོན་དམ་སྐོང་ཕྲིན་ལས་མཛོད།། ཅེས་འབྱོར་ཚོགས་ཀྱི་མཆོད་པ་སྤྱན
191a5 དྲང་བ་དང་། བཀའ་བཞིན་གནག་པ་བཅོལ་བ་ནི། ཐུགས་ཀྱི་དགྱེས་སྡེ་མོ་བཞི་དང་། གསང་བ་ཡང་བྱི་མོ་བཞིའོ།། འདི་བཞི་ལ་བཅོལ་བ་དང་། ཅི་བཅོལ་བ་བསམ་པ་ཡིད་བཞིན་དུ་འགྲུབ་པར་འགྱུར།། ལྷུར་ཡང
191a6 ཚེ་དང་སྲིའུ་ལ་མཁས་ཤིང་། གསང་བའི་པྲ་ལ་ཡང་རྣོ།། དེ་ཡན་ཆད་ཀྱིས་མ་མོ་བཅུ་བཞིའི་བསྐུལ་ཚིག་གི་ལེའུ་སྟེ་བཅོ་ལྔ་པའོ།། །། ད་ནི་སྲིད་པའི་སྨན་མོ་བསྐུལ་བར་བྱ་སྟེ། ཧཱུཾ། སྲིན་མོ་ཆེན་མོ་ཤམ་ཤམ
iiif viewer powered by OpenSeadragon
