| e-texts navigator |
| Wylie |
187a1 སྲིན་གྱི་རྒྱལ་པོ་ཀུམྦྷཱི་ར་མ་ཧཱ་ཧསྟེ་ཞེས་ཀྱང་བྱ། མ་ཀ་ར་ཞེས་ཀྱང་བྱ་བ་ཅིག་བཀུག་ནས། དུག་ཤིང་གདུག་པ་ཅན་དྲུངས་པ་གཅིག་གི་རྩ་རུ། སྟག་གི་ལོ་ལ་ཉལ་པོ་བྱེད་དུ་བཅུག་པའི་བུ་ནི། ཡོས་བུའི་ལོ
187a2 ལ་དཀར་པོ་མིག་གཅིག་སྐྱེས། སྲིང་མོ་ནི་ནག་མོ་ཁྲག་འཛག་མ་སྐྱེས་ཏེ་ནད་གཏོང་བའོ།། དེ་ནས་མིང་པོས་མའི་གཟི་མདངས་ཕྲོག་ནས། འཇིག་རྟེན་ཡོངས་ཀྱི་མཐུ་རྐུ་བར་བདོག་པ་ལ། སྲུ་མོ་ཨེ་ཀ་ཙ་ཏིས་ཚོར་ཏེ།
187a3 ཇོ་མོ་ཁྲོས་པའི་དབང་མོ་ཆེ་རྣམས་ལ་ཞུས་ནས། རྗེ་འབངས་ལྔས་བསྒྲལ་བ་ལས། མི་གཅིག་གི་ཁོང་པའི་ནང་ནས་ཙིཏྟ་བཅུ་ཕྱུང་བ་ལས། གཅིག་ནི་སྙིང་གི་བདག་པོ་ལ་ཕུལ་ལོ།། དགུ་ལ་གསུམ་ནི་རྒྱལ་ཐེའུ་ཁྲོ་བོ
187a4 དང་། ཏྲི་ཤང་ཀ་ར་དང་། དཀར་ཐོར་ཐོར་དང་གསུམ་སྟེ། རྒྱལ་པོའི་རིགས་ལ་གནོད་དོ།། གསུམ་ལ་བར་ཟེའུ་སྨུག་པོ་དང་། ལེགས་ཟེའུ་ཁྲ་བོ་དང་། ས་ཐེའུ་ནག་པོ་དང་གསུམ་ནི་མི་ཡོངས་ལ་གནོད་དོ།། གསུམ
187a5 ལ་ཕྱོགས་བཅུར་གྱུར་ཏེ། བྲག་སྲིན་དང་། ཆུ་སྲིན་དང་། ཤིང་སྲིན་གསུམ་དུ་གྱུར་ཏོ།། དགུ་ཀའི་རྐང་པ་ཡ་རེ་བཅག་ནས། གནམ་ཁྱི་དཀར་པོའི་འཁོལ་དུ་བཅུག་གོ། དེ་ནས་འབྲུག་གི་ལོ་ལ་ཨེ་ཀ་ཙ་ར་མ་མངལ་མི
187a6 བདེ་ནས། མཉེས་བཙིར་བ་དང་། གདོང་སོག་པོ་ལ་མིག་ལོང་བ། ལུས་ཀྱང་སྦྲང་ཀི་ལ་ཁོག་པ་ན་སྙིང་གསུམ་ཡོད་པ་གཅིག་སྐྱེས་པ་ལས།། འདི་སུ་ལའང་ཆ་མེད་དོ་སྙམ་ནས།། དགྲའི་སྙིང་འབྱིན་བྱམས་ཀྱི་ལན
iiif viewer powered by OpenSeadragon
