| e-texts navigator |
| Wylie |
185a1 ལེའུ་སྟེ་བཅུ་གསུམ་པའོ།། །། དེ་ནས་རྡོ་རྗེ་རྣལ་འབྱོར་མ་དེ་རྣམས་ཀྱི་འཁོལ་མོ་སྲིད་པ་ཆགས་བྱེད་མ་དང་། ཁོལ་པོ་སྲིད་པ་ཞིག་འཛིན་གཉིས་ཀྱི་ལོ་དཔྱིད་ཟླ་ར་བ་ལ་ཁྱོ་ཤུག་ཏུ་འདུས་པ
185a2 ལས། ཕག་གི་ལོ་དཔྱིད་ཟླ་ར་བའི་ཉ་ལ་བུ་ཁྱེའུ་གཅིག་སྐྱེས་ཏེ། ཇོ་མོ་ཉི་ཟླའི་ཐོད་ཕྲེང་ཅན་གྱིས།། སྐོས་རྗེ་དྲང་དཀར་དུ་མིང་བཏགས་ཏེ། བློན་པོར་བསྐོས་སོ།། དེ་ནས་སྐོས་རྗེ་དྲང་དཀར་དང་། སྲིད་པ་ཆ
185a3 སྙོམས་སྲུ་མཚན་གཉིས་ཁྱོ་ཤུག་ཏུ་འདུས་ཏེ། སྲིད་པ་ཆ་བསྙོམས་སོ།། དེ་གཉིས་ལ་བུ་མོ་སྤུན་དྲུག་སྐྱེས་ཏེ། བཞི་ནི་ཁྲོས་པའི་དབང་མོ་ཆེ་བཞིའི་བློན་པོ་རྒྱལ་པོ་བཞིའི་ཆུང་མར་བླངས་སོ།། ཇོ་མོས་རི་རབ་ཀྱི
185a4 གྲ་འདེགས་སུ་བཅུག་སྟེ། གྲུ་འདེགས་མཆེན་མོ་བཞིར་མིང་བཏགས་སོ།། བུ་མོ་ཆུང་ངུ་མ་གཉིས་ལ། གཅིག་ནི་སྲིད་པ་བྱིན་མཁན་གྱི་ཆུང་མར་བླངས་སོ།། ཇོ་མོ་ཉི་ཟླ་ཐོད་ཕྲེང་ཅན་གྱིས་ཧེ་རུ་ཀ་སྟིར་མིང་བཏགས
185a5 སོ།། སྲིད་པའི་བྱན་བྱེད་དུ་བཅུག་གོ། དེའི་ནུ་མོ་ཐ་ཆུང་ཨེ་ཀ་ཙ་ཏི་ནི་དབྱིངས་ཕྱུག་མ་སྤུན་བཞིའི་འཁོར་ན་གནས་སོ།། དེ་ནས་རྒྱལ་མོ་ཆེན་པོ་བཞི་ལས། བུ་མོ་སྤྱན་བཞི་སྐྱེས་ཏེ། དཀར་མོ་མཆེ་བ་ཅན་དང་། ནག
185a6 མོ་ཁ་རླན་མ་དང་། དམར་མོ་མཆུ་འཇིབ་མ་དང་། སེར་མོ་རྐང་ལྡག་མ་བཞི་སྐྱེས་ཏེ། དེ་བཞི་ནི་ཐུགས་ཀྱི་དགྱེས་སྡེ་མོ་སྤུན་བཞིའི་འཁོལ་མོར་ཐོབ་སྟེ། དམག་གི་རྒྱལ་མོར་བསྐོས་སོ།། དེ་ནས་ཁྲོས་པའི་དབང་མོ
iiif viewer powered by OpenSeadragon
