| e-texts navigator |
| Wylie |
184b1 པདྨ་ཁྲག་འཐུང་ཁྲོས་པའི་དབང་མོ་ཆེ་དང་། རྡོ་རྗེ་སྲིད་པ་བདེ་སྦྱོར་ཁྲོས་པའི་དབང་མོ་ཆེ་དང་། རྡོ་རྗེ་ཁམས་གསུམ་འཚོ་བྱེད་ཁྲོས་པའི་དབང་མོ་ཆེ་དང་།། དེ་ལྟར་བཞིར་བཏགས་སོ།། མིང་དེ་ལེགས་ནས། བུ་མོ
184b2 དེ་བཞིས་མ་བཞི་དབང་དུ་བསྡུས་སོ།། དེས་སྲིད་པ་བདེ་ལ་བཀོད་དོ།། སྤྲུལ་པའི་བུ་མོ་བཞི་དང་། རིགས་ཀྱི་འབྱུང་བ་བཞི་པོ་རུ། དཔག་བསམ་གྱི་ཤིང་གི་ཡལ་ག་ལ། འབྲུག་གི་ལོ་ལ་རྩེད་འཇོ་བྱས་པས། མུ
184b3 སྟེགས་ཀ་མ་ལས་ཚོར་ནས་སུ་སྡིག་ཅན་དམོད་པའི་མཚོན་ཆས་ནི། མཛའ་ན་སྡུག་པ་ཁྱེད་ཅག་རྣམས།། ནལ་བུ་ལྟོ་རུ་ཞུགས་ནས་སུ།། ངོ་ཚ་བུ་ཡང་སྦེད་པར་ཤོག། ཅེས་དམོད་མོ་དམོས་པ་ལས། དམོད་མོ
184b4 སྡིགས་ཏེ། སྦྲུལ་གྱི་ལོ་ལ་བུ་མོ་སྤྱན་བཞི་སྐྱེས་པ་ལ་འཁོལ་མོ་སྲིད་པ་ཆགས་བྱེད་ཀྱིས་ལྟེ་བ་བཅད་དོ།། དེ་ནས་མ་བཞི་ངོ་ཚ་ནས། རི་རབ་ངོས་བཞིར་བསྙུངས་ཏེ་བཞག་པ་ལས། རྟའི་ལོ་ལ་བལྟ་ཡིས་མི་པྲ
184b5 བའི་བུད་མེད་བཞི་རྫུ་འཕྲུལ་ཆེ་ཞིང་ལྷ་མཚན་དང་ལྡན་པ་ཞིག་གདའ། དེ་སྤྱོད་དཔལ་ཆེན་མོའི་སྤྱན་གྱིས་གཟིགས་ནས། ཐུགས་ཀྱི་དགྱེས་སྡེ་མོ་གསང་བའི་བྱི་མོ་བཞིར་གཟུང་ངོ་།། དཀར་མོ་མིག་གཅིག
184b6 རྒྱས་འདེབས་མོ་དང་། ནག་མོ་རལ་ཆེན་རྨོངས་བྱེད་མ་དང་། དམར་མོ་དབང་བསྒྱུར་ཟ་བྱེད་མ། སེར་མོ་འཚལ་འཕེལ་མ་ཞེས་ཐུགས་ལས་མིང་དང་མཚན་དུ་བཏགས་སོ།། མ་མོ་བཅུ་བཞིའི་རབས་རྒྱུད་ཀྱི
iiif viewer powered by OpenSeadragon
