| e-texts navigator |
| Wylie |
183b1 པོ་ཆེ་སྣ་ཚོགས་ཀྱི་རལ་པ་ཅན། སྦས་པའི་སྤྱན་གཉིས་ལས། གཡས་པ་ནས་ཁྲག་གི་མཆི་མ། གཡོན་ན་བདུད་རྩིའི་མཆིལ་མ། སྦས་པའི་ཞལ་ནས། འབྲས་བུ་རྣམ་པ་ལྔའི་བཅུད་འཛག་མ། སྦས་པའི་ཕྱག་གཉིས
183b2 ལ། གཡས་པས་སྲིད་པ་ཐམས་ཅད་ཀྱི་རྩེ་གཟུང་བ། གཡོན་པས་འོག་གི་རྡོ་རྗེའི་གདན་ལ་ཐུག་པ་ཡན་ཆད་གཟུང་བའོ།། སྦས་པའི་ཞབས་གཉིས་ཀྱིས། གཡས་པས་འཇིག་རྟེན་གྱི་ཁམས་ཀྱི་དབང་ཆེ་བ་ཐམས་ཅད
183b3 ཀྱི་སྙིང་བརྫིས་པ། གཡོན་པས་འཇིག་རྟེན་གྱི་ཁམས་ཀྱི་དབང་ཆེ་བ་ཐམས་ཅད་ཀྱི་སྙིང་རྩ་གནོན་པ། གསང་བའི་མཁའ་གེ་སར་གྱི་དཀྱིལ་འཁོར་ནས་སྣང་སྲིད་ཐམས་ཅད་འཕེལ་འགྲིབ་མཛད་པ། ཡེ་ཤེས་རང
183b4 སྣང་ཤར་བ་ལས། མ་རྟོགས་པ་ཀུན་མཁའ་གཏིང་དུ་བསྡུས་པ། སྤྱི་གཙུག་ནས་ཁྲག་གི་རལ་པ་གཅིག་གིས། སྲིད་པའི་མ་མོ་ཐམས་ཅད་དབང་དུ་སྡུད་མ། རི་རབ་ཀྱི་རྩེ་མོ་བུམ་པའི་དབུས་ན་བཞུགས་སོ།། དེའི
183b5 འཁོལ་མོ་སྲིད་པ་ཆགས་བྱེད་མ་དང་ཆ་སྙོམས་མ་གཉིས་ཤིང་གི་སྐེད་པ་ན་གནས་སོ།། ཡུམ་ཆེན་མོའི་ཁོལ་མོ་སྲིད་པ་ཞིག་འཛིན་དང་། སྲིད་པ་བྱན་མཁན་གཉིས་ནི་ཤིང་གི་རྩ་བ་ན་གནས་ཏེ། རི་རབ་ཀྱི་ཕྱི་རོལ་ན
183b6 གནས་པའི་སྣང་ཞིང་སྲིད་པའི་སྐྱེ་འགྲོ་ཐམས་ཅད་ཚིགས་ནས་ཅི་ཡང་མི་སྣང་བ་ལས། སྲིད་པ་བདེ་འགྲོ་མས་ཉི་ཟླ་དབང་དུ་བསྡུ་བའི་ཕྱིར། འབྱུང་བ་ལྔའི་འོད་ལས་བྱུང་བའི་བུ་མོ་མདོག་དཀར་མོ་ལག་གཡུའི་རལ
iiif viewer powered by OpenSeadragon
