| e-texts navigator |
| Wylie |
183a1 ན་ཀུན་ཀྱང་བདེ། མ་མོ་ལྔ་བཅུ་རྩ་ལྔ་སོ་སོའི་དབང་ཚད་དོ།། སེམས་ལས་སྐྱེས་པའི་མ་མོ་བཅུ་གསུམ་གྱིས་བསྣན་པ་དང་། དྲུག་ཅུ་རྩ་བརྒྱད་ཀྱི་ཚོགས་ཞེས་བྱའོ།། མ་མོ་སོ་སོའི་དབང་ཚད་ཀྱི་རིམ
183a2 པའི་ལེའུ་སྟེ་བཅུ་གཉིས་པའོ།། །། གནོད་འདུལ་ལྷ་ཡིས་ཡང་གསོལ་པ།། བཅུ་བཞི་ཞེས་ནི་བགྱི་བ་ཡི།། རབས་རྒྱུད་རྩ་བ་ཇི་ལྟར་ལགས།། དགུག་དང་འདྲེན་པའི་སྔགས་རྣམས་ནི།། རྣལ་འབྱོར་མཆོག
183a3 ལ་བདག་ཉན་འཚལ།། དེ་སྐད་གསོལ་པ་གསན་ནས་ཀྱང་།། རྣལ་འབྱོར་མཆོག་གིས་བཀའ་སྩལ་པ།། ཉོན་ཅིག་གནོད་འདུལ་ལྷ་ཡི་གཙོ།། བཅུ་བཞི་མན་ཆད་རྗེ་འཁོལ་གྱི།། རབས་རྒྱུད་འགུགས་འདྲེན་སྔགས
183a4 རྣམས་ཀུན།། གཏན་ཚིགས་རྩ་བ་སྦས་པ་རྣམས།། ད་ལྟ་ཉིད་དུ་གཏན་ལ་དབབ།། དེ་ལ་རི་རབ་གླིང་བཞི་གོང་དུ་ཆགས་པས་རང་ལུགས་སུ་ཡོད་པ་ཟད། ཉི་མ་དགུ་བརྒྱ་རྩ་གཅིག་དང་། ཟླ་བ་བརྒྱ་རྩ་གཅིག་དང་།།
183a5 ཟླ་སྟོང་རྩ་གཉིས་ཀྱིས་རི་རབ་ཀྱི་ཕྱི་རོལ་ན་གནས་པའི་སྣང་སྲིད་ཐམས་ཅད་ཚིག་ནས། ཅི་ཡང་མི་གནས་པ་ལས། རི་རབ་ཀྱི་ནང་རིང་ཐུང་དུ་དཔག་བསམ་གྱི་ཤིང་ཡོངས་འདུ་ས་བརྟོལ་ཞེས་ཀྱང་བྱ་བ་ཡོད
183a6 པ་ལས། ཤིང་གི་རྩེ་མོ་རི་རབ་ཀྱི་བུམ་པའི་ནང་ན། ཡུམ་ཆེན་མོ་སྲིད་པ་བདེ་འགྲོ་མ། ཁམས་གསུམ་ཡུམ་མཆོག་མ་ཞེས་བྱ་བ་སྐུ་མདོག་མཐིང་གར་བཞུགས་པ། དབུ་དང་། ཕྱག་དང་། སྤྱན་ཅིར་ཡང་སྟོན་པ། རིན
iiif viewer powered by OpenSeadragon
