| e-texts navigator |
| Wylie |
181b1 ལྷ་ཡི་གཙོ།། འཇིག་རྟེན་ཇི་ལྟར་དབང་བགྱི་བ།། ངས་བསྟན་པ་ལ་སེམས་ཐུད་ཅིག། འབྱུང་བ་ལྔ་ལས་བསྐྱེད་པ་ནི།། ཀུན་ཏུ་བཟང་མོའོ།། དབང་བསྒྱུར་བའི་བུ་མོ་སྤུན་ལྔ། ཆ་སྙོམས་མ་ནི་སྲིད་པའི་བདེ་འགྲོ་མ།།
181b2 འབྱུང་བ་ལྔའི་ཉུལ་ལེ་མ་ནི་ཆགས་འཛིན་སྤུན་གཉིས་སོ།། དུས་བཞི་རྫོགས་པར་བྱེད་པ་ནི་ཀུན་ཏུ་བཟང་མོའོ།། དུས་བཞི་ལ་དབང་བྱེད་པ་བུ་མོ་སྤྱན་ལྔའོ།། དུས་བཞི་ཆའི་ཉུལ་ལེ་མ་ཆེན་མོ་ནི་ཕྱག་ཡ་བདུད་ཀྱི
181b3 ཆུང་མའོ།། མ་མོ་རང་རང་གིས་བཀོལ་ཐབས་ནི།། ཡུམ་ཆེན་མོ་ཉིད་ཀྱིས་མཁའ་ལ་རྒྱུ་བའི་མ་མོ་གསུམ་དང་། དབྱིངས་ལས་ཤར་བའི་མ་མོ་གསུམ་དང་། ཡི་དམ་བསྒོམ་ལེགས་ཀྱི་མ་མོ་དང་བདུན་འཁོལ
181b4 ལོ།། དེས་སྲིད་པ་བདེ་འགྲོ་མ་བཀོལ་ལོ།། དེས་རྡོ་རྗེ་ཉི་མ་ཁྲོས་པའི་དབང་མོ་ཆེ་དང་། པདྨ་ཁྲག་འཐུང་ཁྲོས་པའི་དབང་མོ་ཆེ་འཁོལ་ལོ།། དེས་སྲིད་པ་ཆགས་བྱེད་མ་འཁོལ་ལོ།། དེས་ཨེ་ཀ་ཙ་ཏི་ལ་སོགས་པ་མ
181b5 མོ་བདུན་འཁོལ་ལོ།། དེས་འདོད་ཁམས་ལྷའི་གཙོ་མོ་དང་། རྡོ་རྗེ་གར་གྱི་དབང་ཕྱུག་མ་གཉིས་འཁོལ་ལོ།། དེས་ནམ་མཁའི་རྒྱལ་མོ་དང་། གླིང་བཞི་སྤྱི་ཕུད་མ་འཁོལ་ལོ།། བུ་མོ་སྤྱན་ལྔས་ནི་སྲིད་པ་ཐམས་ཅད
181b6 དབང་དུ་བྱེད་དོ།། རྟག་པའི་རྒྱལ་མོ་བཀྲག་གསལ་མཉམ་གྱིས་ནི། ཉི་མའི་ཕྲེང་ཅན་འཁོལ་ལོ།། དེས་སྲིད་པ་ཆ་སྙོམས་མ་འཁོལ་ལོ།། དེས་ས་བདག་པདྨ་ཕྲེང་འཁོལ་ལོ།། དེས་ཨེ་ཀ་ཙ་ར་མ་འཁོལ་ལོ།། དེ
iiif viewer powered by OpenSeadragon
