| e-texts navigator |
| Wylie |
181a1 རྒྱའོ།། ཧ་དང་ཧཱུཾ་གཉིས་ཞགས་པའི་ཚུལ།། ཕྱི་མ་ཕྱོགས་བཞིར་བརྐྱང་བ་ནི།། འདི་ནི་རྒྱན་གྱི་རྒྱལ་མོའི་རྒྱ།། ཐབས་ཀྱི་ཕྱག་རྒྱ་ཁུ་ཚུར་བཅང་།། བསྡིགས་པའི་ཐབས་སུ་ཕྱར་བ་ནི།། འདི་ནི་དབྱིངས
181a2 ཕྱུག་ཆེན་མོའི་རྒྱ།། རྡོ་རྗེ་ཐལ་མོ་སྦྱར་ནས་ནི།། སྐུ་ཡི་ཟད་ཀར་གཟུང་བ་ནི།། འདི་ནི་བདག་ཉིད་ཆེན་མོའི་རྒྱ།། གཡས་གཡོན་སོར་མོ་བརྐྱང་ནས་ནི།། ཧ་དང་ཧཱུཾ་གཉིས་རྩེ་སྤྲད་དེ།། གཤོག་པའི་ཚུལ་དུ་བརྐྱང་བ
181a3 ནི།། འདི་ནི་གཅིག་པུ་ཆེན་མོའི་རྒྱ།། ཡི་གེ་འབྲུ་ལྔ་རྩེ་སྤྲད་ནས།། རྡོ་རྗེ་ཐོད་པའི་ཚུལ་དུ་བྱ།། འདི་ནི་དཀར་མོ་མིག་གཅིག་རྒྱ།། དཔའ་བོ་འབྲུ་ལྔ་དམ་བསྣོལ་ཏེ།། ཧ་གཉིས་བརྩེགས་ཏེ་ཧཱུཾ་ལ་གཏད།། ཐོད་པ་སུལ
181a4 མདས་ཚུལ་དུ་བྱ།། འདི་ནི་ནག་མོ་རལ་གཅིག་རྒྱ།། ཡི་གེ་འབྲུ་ལྔ་དམ་བསྣོལ་ཏེ།། ཧ་གཉིས་བརྩེགས་ལ་ཧཱུཾ་ལ་གཏད།། རྩེ་མོ་སོ་སོར་ཕྱར་བ་ནི།། ཐོད་པ་ལྕང་ལོའི་ཚུལ་དུ་བྱ།། འདི་ནི་དམར་མོ་དབང
181a5 བསྒྱུར་རྒྱ།། ཐབས་དང་ཤེས་རབ་རྒྱ་བསྣོལ་ཏེ།། ཧཱུཾ་དང་ཧ་གཉིས་རྩེ་སྤྲད་དེ།། རྡོ་རྗེ་ཐོད་པའི་ཚུལ་དུ་བྱ།། འདི་ནི་སེར་མོ་ལས་མཁན་རྒྱ།། མ་མོ་བཅུ་བཞིའི་ཕྱག་རྒྱའི་ལེའུ་སྟེ་བཅུ་གཅིག་པའོ།། །
181a6 གནོད་འདུལ་ལྷ་ཡིས་ཡང་གསོལ་པ།། འཇིག་རྟེན་འདི་ལ་དབང་བྱེད་པ།། རིམ་པ་གང་དང་གང་ལ་གསལ།། ཡང་དག་རྫོགས་ལ་བདག་ཉན་འཚལ།། ཡང་དག་རྫོགས་ཀྱིས་བཀའ་སྩལ་པ།། ཉོན་ཅིག་གཡུང་དྲུང
iiif viewer powered by OpenSeadragon
